Алтан Одон-түрэлхидтэнь

Буряад Уласай Засагай газарай мэдээсэлэй албанай дуулгаһаар, Россиин Геройн Алтан Одон  Виталий Сукуевай түрэлхидтэ эдэ үдэрнүүдтэ барюулагдаба.

• Виталий - манай омогорхол, бодото баатар. Россиин Юрэнхылэгшэ Владимир Путинай зарлигаар амгалан байдалай түлөө ами наһаяа үгэһэн сэрэгшэмнай шагнагдаба. Эрэлхэг зоригтой хүбүүгээ ходо һанажа ябахабди, тэрэнэй баатаршалга мартагдахагүй, олондо жэшээ болон үлэхэ, - гэжэ уласай Толгойлогшо Алексей Цыденов хэлэбэ.

 

Полковник Виталий Сукуев  25 жэлэй туршада сэрэгтэ алба хаагаа. 1994 ондо дунда һургуули дүүргэжэ, Улаан-Үдын М.Ербановай нэрэмжэтэ аграрна колледжын оюутан болоо һэн. Тэндэһээ сэрэгэй албанда татагдаад, удаань хэлсээ баталжа, албаяа үргэлжэлүүлээ. 2004 ондо Омскын сэрэгэй дээдэ һургуули түгэсхөө. Виталий Сукуев Шэн зоригой орденоор 2 дахин шагнагдаһан габьяатай.