487
-Энэ түсэл бэелүүлхэ тухай һанамжалаад, тэрэ сагай ажабайдал тухай нютагайнгаа ажаһуугшадаар хөөрэлдэжэ эхилээб. Зүблэлтэ засагай үедэ ажаһууһан улад зон тэрэ сагаа уяран байжа хөөрэдэг байгаа. Үнгэрһэн тэрэ сагта арад зон дундаа эбтэйгээр ажаһуудаг һэмди гээд нютагаархиднай һанамжаараа хубаалдаа, - гэжэ энэ түсэл бэелүүлэгшэдэй нэгэн, Тарбагатайн аймагай соёлой түбэй, мүн «Судьбинушка» ансамблиин хүтэлбэрилэгшэ Галина Чебунина хэлэнэ.
Тарбагатайн аймагай соёлшодой бэлдэжэ харуулһан хүгжэмтэ зүжэг арад зон амаргүй һайнаар угтан абаа. Гансал нютагайнгаа ажаһуугшадта харуулаад дүүрэхэ бэшэ, Улаан-Үдын харагшадта дурадхаха гэжэ эмхидхэгшэд шиидээ.
-Зүжэгнай 1 час 20 минутын туршада үргэлжэлнэ. Тэрэ сагай хугасаада харагшад энеэлдэжэшье, заримдаа гуниглажа, нулимсаяашье дуһаана. Буряадаймнай хүдөө аймагуудай ажаһуугшадһаа урилганууд буужа эхилээ. Зүжэгтэ хабаатай хэрэгсэлнүүднай тон ехэ, тиимэһээ холуур ябахамнай бэрхэтэй. Энэ ушарһаа Н. Бестужевай нэрэмжэтэ Ород драмын театрта тоглолто үгөөбди, - гэжэ Галина Ермолаевна дуулгана.
Автор: Булат БАДМАЕВ
Фото: Буряад Уласай соёлой яаманай сайтһаа
