Үерһөө абаралта

Буряад Уласһаа гадна иимэ хаалтанууд Үбэр Байгалай, Примориин, Хабаровска хизаарнуудта түхеэрэгдэнэ. 2023 ондо энэ хэрэгтэ Росводресурс эмхиин талаһаа 4,1 млрд түхэриг мүнгэн шэглүүлэгдээ. Алас Дурнын тойрогто 2025 он болотор ябуулагдаха  ажалай түсэб табигданхай юм. Бүхыдөө эдэ жэлнүүдтэ уһанай үерһөө хамгаалгын 21 объект бодхоогдохо, 16,5 млрд түхэриг мүнгэн гаргашалагдаха.

-Үер боложо, уһанай эрьеһээ гарабал,  хохидол усадхаха хэрэгтэ 4 дахин ехэ мүнгэн гаргашалагдаха һэн. Тус түхеэрэлгэнүүд Алас Дурнада ажаһуугаа 90 мянганһаа дээшэ арад зониие аршалха болоно, - гэжэ Росводресурсын хүтэлбэрилэгшын орлогшо Наталья Сологуб хэлэнэ.

Гал, уһан, газарай хүдэлхэ аюул гээшэ байгаалиин аймшагтай үзэгдэлнүүд болоно. Үер тохёолдобол, аймшагтай даа, хүн зон, ан амитан хохидожо болохо байна ха юм.