928
Алханада олдоһон уурхай нарһан модоной мүшэр дээрэ газарһаа 10-аад метрэй үндэртэ байгаа. Досоонь һууһан хара ёло шубуун (чёрный гриф) үндэһэтэнэй хүреэлэнэй ажалшадые обёоромсоороо хоргодоошье һаа, ниидэжэ ябашоогүй. Ёло шубууд жииртээ нэгэл үндэгэ дарадаг юм, тиимэһээ тэрэнээ ехэл бөөмэйлдэг. Аюулай ушарбашье, үндэгэеэ хүргэжэрхихэгүй гэжэ бэлээр зугадахагүй. Хүнэй үлүү ехээр нэтэржэ халдаал һаань, уурхайгаа орхихо. Тиимэһээ эдэ шубуудай байрлаһан газараар ябалтагүй гэжэ эрдэмтэд тэмдэглэдэг.
- Гайхалтай ушар болобо гээ һаа, алдуу бэшэ. Гүрэн соомнай хара ёло шубуунай уурхайнууд тон үсөө дайралдадаг. Үбэр Байгалай хизаарта хоёрдохиёо олдобо. Хэдэн жэлэй саана Хэрын аймагта түрүүшынхинь олдоо һэн, - гэжэ үндэһэтэнэй хүреэлэнэй ажалшад хөөрэнэ.
Хара ёло шубуун Үбэр Байгалай хизаарай ба Ород гүрэнэй Улаан номдо оруулагдаһан юм. Зарим шажан мүргэлдэ ёло гээшэ бурханай шубуун гэжэ тоологдодог. Эдэ шубуудые үхэһэн амитадай һэе эдинэ гэжэ ажаглахадаа, зарим арадууд нүгшэһэн хүнэй мяха эдюулжэ һургаһан байха юм. Иимэ заншал тува, түбэд, энэдхэг зоной дунда бии.
Фото: «Алхана» гэһэн Үндэһэтэнэй хүреэлэн
