463
2023-2032 оной хугасаада Эрхүү можын дэбисхэр дээрэ 50 гаран хэмжээ ябуулганууд үнгэргэгдэхөөр хараалагдана. Эрхүү можын губернатор Игорь Кобзевой мэдүүлһээр, жэл бүри буряад соёл, заншал һэргээн хүгжөөхэ талаар хэмжээ ябуулганууд эмхидхэгдэхэ. Мүн бусад бага тоото үндэһэ яһатанда гол анхарал хандуулагдаха.
Заншалта болоһон буряад арадай «Сагаалган», «Сурхарбаан» өөрын онсо һуури эзэлнэ.
Эрхүү хотын И.И. Молчанов-Сибирскиин нэрэмжэтэ номой санда ерэхэ намар «Буряад хэлэн – бултанда» гэһэн номой үзэсхэлэн дэлгэгдэхэ. Мүн 2024 ондо энэл номой гуламтада «Сохраняя родное наречие» гэһэн буряад соёл, хэлэндэ хабаатай томо хэмжээ ябуулга үнгэргэгдэхэ гээд, эмхидхэгшэд мэдүүлнэ.
Усть-Ордын буряад тойрогой дэбисхэр ажаһуудаг славян арадуудай соёлой «Жар- птица» гэһэн хэмжээн жэл бүри үнгэргэгдэхөөр түсэблэгдэнэ. «Мирас» гэһэн фестивальда татаар угтайшуул дуратайгаар хабаадаха. Эвенк литээр шэнэ жэлые угталгын «Икэнипкэ» гэһэн һайндэр үргэн дэлисэтэй 2024 онһоо болгогдохо.
Иигэжэ Эрхүү можодо ажаһуудаг бага тоотой үндэһэн яһатад габшагай 10 жэлэй хэмжээ ябуулгануудта хабаадуулагдаха. «Край возле самого неба» гэһэн үзэсхэлэн тофалар угтай хүнүүдтэ зорюулагдаха. Энэ хэмжээн 2025 ондо үнгэрхэ юм.
Источник: Усть-Ордын үнэн
