Буряад-монгол зурхай апрелиин 21-һээ 27 болотор

Апрелиин 21, гарагай 2, буряад-монгол литээр 23.

23-да гал тахихада, замда гарахада, хубсаһа эсхэхэдэ, эд бараа, адуу мал худалдажа абахада, гэр байра барихада, газар хахалхада, үрэһэ таряа тарихада һайн. Адуу мал худалдахые, худаг малтахые, аралжаа наймаа ябуулхые тэбшэхэ.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.

“Хүбүүнэй” үүдэн нээгдэнэ: хүүгэдэй шухала үйлэ бүтээхэгүй, түрэһэн үдэр тэмдэглэхэгүй, гэрһээ холо эльгээхэгүй.

Энэ үдэр харгыда гарахада, баруун зүг руу муу, бэшэ зүгүүд руу һайн.

Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.

Үһэеэ абхуулхада – баялигта.

Апрелиин 22, гарагай 3, буряад-монгол литээр 24.

24-дэ замда гарахада, дэгэл хубсаһа эсхэхэдэ, мал хүнгэлхэдэ (заһахада), эд бараа, адуу мал худалдажа абахада, газар хахалхада, үрэһэ таряа тарихада һайн. Малай нооһо хайшалхагүй.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

“Сэрэгэй” үүдэн нээгдэнэ: сэрэг хүдэлгэхэгүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – үбшэндэ.

Апрелиин 23, гарагай 4, буряад-монгол литээр 25.

Хандамаанарай дүйсэн үдэр.

25-да гал тахихада, айраг тараг бүрихэдэ, газар хахалхада, таряа ногоо тарихада, мал хүнгэлхэдэ, наһа барагшын үйлэнүүдтэ һайн. Замда гарахые, дэгэл хубсаһа эсхэхые, эд бараа, адуу мал худалдан абахые тэбшэхэ.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.

“Түрэлнүүдэй” үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэл тэн һэргэг байхые оролдог.

Үһэеэ абхуулхада – нюдэнэй даралта хөөрэхэ.

Апрелиин 24, гарагай 5, буряад-монгол литээр 26.

26-да газар хахалхада, таряа ногоо тарихада, айраг тараг бүрихэдэ һайн. Замда гарахые, эд бараа, адуу мал худалдахые, худалдан абахые тэбшэхэ.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.

“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – аза талаанда.

Апрелиин 25, гарагай 6, буряад-монгол литээр 27.

27-до замда гарахада, газар хахалхада, таряа ногоо тарихада, айраг тараг бүрихэдэ, наһа барагшын хэрэгүүдтэ һайн. Бэриин хэрэгүүдые, дэгэл хубсаһа эсхэхые, адуу мал худалдан абахые, гэр байра барихые тэбшэхэ.

Амгалан тайбанай, хониной хэшэг даллага абахада һайн.

“Бэриин” үүдэн нээгдэнэ: хадаг табихагүй, хурим түрэ наадахагүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – жаргалда.

Апрелиин 26, гарагай 7, буряад-монгол литээр 28.

28-да гал тахихада һайн. Дэгэл хубсаһа эсхэхые, адуу мал худалдан абахые, бэриин, наһа барагшын хэрэгүүдые үнгэргэхые тэбшэхэ.

Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.

“Үхээриин” үүдэн нээгдэнэ: хүүр залахагүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Үхэр жэлтэнэй урагшатай гараг; бар, туулай жэл тэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – хэрүүл аманда.

Апрелиин 27, гарагай 1, буряад-монгол литээр 30 (29 таһарба).

Бурхан багшын дүйсэн үдэр.

30-да айраг тараг бүрихэдэ һайн. Наһа барагшын, бэриин үйлэнүүдые, эд бараа, адуу мал худалдан абахые, мал хүнгэлхые тэбшэхэ.

Энэ үдэр амгалан тайбанай, эдеэ унданай, баяли гай, адуу малай хэшэг даллага абахада һайн.

“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.

Энэ үдэр харгыда гарахада, зүүн зүг руу муу, бэшэ тээшэ һайн.

Луу жэлтэнэй урагшатай, һайн гараг.

Үһэеэ абхуулхада – хэрүүл аманда, заргада.

Жаргал лама ДУГДАНОВ бэлдэбэ