Байгал далай ба Буряад оронтой «Россия» гэжэ үндэһэтэнэй түбэй айлшад танилсаха аргатай

«Россия» гэһэн үндэһэтэнэй түбтэ «Росси гүрэнөөр аяншалга» гэһэн үзэсхэлэн дэлгээгдэбэ. Үзэсхэлэнэй талмай  Россиин найман тойрогто зорюулагдана.

Хизааргүй Росси гүрэнтэй танилсалга Алас Дурнын холбоото уласай тойрогһоо эхилнэ. Үндэһэтэнэй түбэй айлшад экскурсоводтой үзэсхэлэн хараха аргатай, гадна «Росси гүрэнөөр аяншалга: Байгалһаа Калининград хүрэтэр» гэжэ интерактивна  экскурси хүдэлнэ. Үзэсхэлэнэй танхимууд соо үхибүүдые болон томошуулые галта ууланууд, абарга загаһанууд ба эреэн гүрөөһэнүүд,  космодром, алта ашаглалга, алмаз гэжэ үнэтэ шулуунууд, Россиин загаһа агнадаг шэнэ флот, Байгал, БАМ, БАМ-2 болон бусад олон тоото һонирхолтой зүйлнүүд хүлеэнэ.

- Үндэһэтэнэй «Россия» гэһэн түбтэ «Росси гүрэнөөр аяншалга» түсэл байгуулагдаа. Нэгэ үдэрэй туршада агууехэ гүрэнэй бүхы тойрогуудые хараха арга боломжо хаанашье үгы, - гэжэ Оросой Холбоото Уласай Юрэнхылэгшын Захиргаанай хүтэлбэрилэгшын 1-дэхи орлогшо Сергей Кириенко тэмдэглээ. Россиин Юрэнхылэгшын даабаряар Үндэһэтэнэй түбэй хэмжээ ябуулганууд түлбэригүйгөөр үнгэргэгдэнэ гэжэ Сергей Кириенко нэмэбэ.

«Росси гүрэнөөр аяншалга» гэһэн шэнэ экспозици түүхэ, ёһо заншал, холбоото уласай тойрогуудай мүнөө сагай туйлалтануудые нэгэдүүлнэ. Байгаалиин, соёлой, түүхын шухаг экспонадуудые, мультимедийна инсталляцинуудые, эрдэм ухаанай ба арга зүйнүүдэй шухала туйлалтануудые түбэй айлшад хараха аргатай. Интерактивна элементнүүдтэ онсо анхарал хандуулагдаа. Мүнөө сагай эрилтэдэ таарама VR-технологиин ашаар холбоото уласай тойрог бүхэнэй оршон байдалда орохоор.

«Росси гүрэнөөр аяншалга» түсэлэй түрүүшын хубида манай гүрэнэй элдэб булангуудай заншалта ба шэнэ эдеэ хоол амталжа үзэхөөр. Эндэ «Восток», «Север», «Запад» ба «Юг» гэһэн дүрбэн зурууд зохёогдонхой. Үзэсхэлэндэ ерэһэн багашуулда тусхай таһаг бии.

Тоо оньһото «Зүрхэ сэдьхэлэй зурууд» гэжэ нэрлэгдэһэн талмайда үзэсхэлэнэй айлшад һанамжануудаараа хубаалдаха аргатай. Открытканууд үндэһэтэнэй «Россия» түбэй түүхын хуудаһануудта хадагалагдаха. «Росси гүрэнөөр аяншалга» гэжэ үзэсхэлэн ямаршье наһанай зон хараха аргатай. Тиин нэн түрүүн russia.ru сайтын  «Афиша» бүлэгтэ бүридхэлдэ орохо хэрэгтэй.