Буряад Уласта сэрэгэй тусхай үйлэ хэрэгүүдэй ветеранууд ээлжээндэ байнгүйгөөр эмнэлгэ абаха аргатай

Эмнэлгын даадхалай программын хэмжээндэ сэрэгэй тусхай үйлэ хэрэгүүдэй албанһаа сүлөөлэгдэһэн ветеранууд ээлжээндэ байнгүйгөөр аргалуулха эрхэтэй.

- Поликлиникануудта ба амбулаторинуудта тусхай залан хүтэлбэрилэгшэ томилогдожо, ветерануудай хандаһан үдэр эмнэлгын туһаламжа эмхидхэхэ үүргэтэй.  Сэрэгэй тусхай үйлэ хэрэгүүдэй ветеранууд нэгэ үдэрэй туршада диспансеризаци гараха аргатай, харин холын һууринуудай ажаһуугшад ажалай 10 үдэрэй туршада бэеэ үзүүлхэ болзортой. Залан хүтэлбэрилэгшэд аймагай түбэй эмнэлгын газарнуудта ба хотын поликлиникануудта бии. Ветерануудые дэмжэхын тула олон юумэ хэнэбди, - гэжэ Буряад Уласай Толгойлогшо Алексей Цыденов тэмдэглэбэ.

Ветеранай эмнэлгын газарта хандаһан үдэртэнь туһаламжа үзүүлэгдэхэһээ гадна тусхай залан хүтэлбэрилэгшэд тэдэниие лабораторно шэнжэлэлгэдэ абаашана, аргашадай заабари, зүблэл үгэхэ хэрэгтэ туһална. Тэрээнһээ гадуур эмнэлгын саарһа данса бэлдэлсэнэ, аргашанда бэеэ үзүүлхэ үдэр, саг тухай мэдээсэл үгэнэ.

- Сэрэгэй тусхай үйлэ хэрэгүүдэй ветерануудые эмнэлгын эмхиин авто-унаагаар поликлиника руу асараад, удаань гэртэнь абаашаха арга бии. Зарим ушарнуудта эмшэдэй бригада ветеранай гэртэнь ошожо туһа үзүүлхэ, - гэжэ Буряад Уласай Засагай газарай Түрүүлэгшын орлогшо - уласай Элүүрые хамгаалгын сайд Евгения Лудупова тэмдэглэбэ.

Тодорхой мэдээсэл абаха гэбэл, Буряад Уласай Элүүрые хамгаалгын яаманай 122 гэжэ “халуун” утаһаар хонходоходо болоно. Нэмэлтэ дугаар #3.