Буряад Улас дотор мүнөөдэр һалхитай, саһатай

Уларил шэнжэлэгшэдэй мэдээсэһээр, Уласай ехэнхи нютагуудаар һүниндөө саһалха. Зүүн хойноһоо  5-10 метр хүсэтэйгөөр һалхилха. Зарим аймагуудаар секундын 14 метр хүрэтэр һалхин шангадаха. Һүниндөө 2-7, зарим нютагуудаар 12-17 градус хүйтэн хонохо. Үдэртөө 8-13, урда нютагуудаар 18, хойто болон Байгал шадархи газарнуудаар 1-6 градус дулаан болохо.
Улаан-Үдэ хотодо энэ һүни саһан ороо. Зүүн хойноһоо 6-11 метр хүсэтэйгөөр һалхилха. Һүниндөө 2-4 градус хүйтэн хонохо. Үдэртөө 11-13 градус дулаан болохо.