Дабхар баяр

Баргажанай аймагай гэр бүлэдэ эхир үхибүүд эдэ үдэрнүүдтэ түрэбэ. Буряадай ЗАГС-ын мэргэжэлтэдэй дуулгаһаар, Алексей Татьяна хоёрой бүлэдэ эхир хүбүүн басаган хоёр түрэжэ, ехэ баяр ушараа. Түрэлхид хүбүүндээ Матвей, басагандаа Милена гэжэ нэрэнүүдые үгэжэ, түрэһэн тухай үнэмшэлгэнүүдые абаба.

Байгша жэлэй эхинһээ Баргажанай аймагта эхир хүүгэдэй гараха табадахи ушар бүридхэгдэбэ. Харин энэ жэлэй апрель һарада Улаан-Үдэ хотодо гурбан эхир хүбүүд түрөөһэн гээд һануулая.