629
Мүнөөдэр һэльбэн шэнэлэлгын ажалнууд түгэсэхэ шатадаа ерэнхэй. Эрхүү можын губернатор Игорь Кобзевой хэлэһээр, хүдөө һууринай үхибүүдтэ нэмэлтэ һуралсал абахадань, зохид тааруу байдал зохёохо шухала. Тиимэһээ заһабарилгаяа түргэн дүүргэхэ хэрэгтэй гэжэ тэрэ тэмдэглээ.
Эрхүү можын соёлой сайд Олеся Полунинагай хэлэһээр, шэнэлэгдэһэн байшан соо арадай хүгжэмэй зэмсэгүүдэй, фортепианын, дуунай, уран урлалай хэшээлнүүд ябуулагдаха. 80 үхибүүд эндэ һураха аргатай. Саашадаа шэнэ шэглэлнүүдээршье һургуулиин ажаябуулга үргэдхэгдэхэ гэжэ найдамаар.
Мүнөөдэр Бэлшэртэ 35 үхибүүн нэмэлтэ һуралсал абана. Өөрын байшангүй һургуули хэдэн дахин хаягаа һэлгүүлээ һэн. Һаяын сагта багшанар, үхибүүд сэбэр уужам, 2 дабхартай һургуулидаа орохонь лабтай.
Автор: Янжима ДАРМАЕВА
Фото: irkobl.ru сайтһаа гэрэл зураг
