746
Золгохо ёһо гурим үе үеын холбоо харилсаа харуулдаг юм. Тиихэдээ наһаараа дүүнь альгаа дэлгэжэ, ахамад хүнэйнгөө тохоногһоонь дүнгэн амаршалхадаа, тэрэнэй дүй дүршэл, мэргэжэл шадабари халан абаха хүсэлтэй байһанаа элирхэйлнэ. Харин үбгэд хүгшэд альгаа доошонь харуулаад, золгожо байһан дүү хүнэйнгөө гар дээрэ табихадаа, тэдэнэйнгээ дэмжэлгэ мэдэрхэһээ гадна, өөрынгөө талаһаа шадаха мэдэхэеэ дамжуулхаар бэлэмби гэжэ мэдүүлнэ гээшэ.
Буряадай багшанарай колледжын оюутад ба багшанар жэл бүри бэе бэеэ золгодог юм. Буряад хэлэнэй ба үндэһэн соёлой һалбариин оюутад иигэжэ Сагаалганай найрай эхи табидаг заншалтай. Сагаан һарын ёһо гуримууд тухай мүнөө жэл колледждо ороһон үхибүүдтэ хөөрэжэ танилсуулха хэрэгтэ баһа онсо анхарал хандуулагдана.
