Эдиршье һаа, эрэлхэг зоригтой

Ошожо хараад, баглагар бургааһанай мүшэрһөө нэгэ гараараа хам ба­рилсаад, нүгөөдөөрөө амияа хаагдан шэнгэжэ ябаһан үхибүүе эрье дээ­рэ татажа гаргаа. Ииһээр-тииһээр байтар, абаруулһан хүбүүгээ бэдэрһэн эжынь, “Түргэн дуудалгын туһаламжые” дуудаһан абгазынь гүйлдэн ерэжэ, хүбүүхэниие абарһан эдиршье һаа, эрэлхэг зоригтой Аполлинарида бүхы байгаа баяр баясхалангаа хүргөө.

Үйлын ушараар гэхын орондо Аполлинариин эрэлхэг габьяагаар абарагдаһан хүбүүн мүнөө эмнэлгын газарта хэбтээшье һаа, эмшэдэй хэлэһээр, бэе махабадынь яһала бараг.

Эмнэлгэ эмшэлэлгынгээ ажал хэрэгэй үедэ нилээд лэ гайхалтай хүндэ ушарнуудые нюдөөрөө хараһан, бэеэрээ (харюусалгата ажалаараа) үзэһэн Ивалгын аймагай дүй дүршэлтэй ахамад врач зоригтой бэрхэ Аполлинарида сэдьхэлэй ехэ баяр хүргэжэ, өөрынгөө зүгһөө смартфон бэлэг барюулаа.