323
Буряад Уласай ажаһуугшадые бүхэроссиин «Хэтэ мүнхын полк онлайн жагсаал» гэжэ акцида хабаадахыень урина. Хэмжээ ябуулга Эсэгэ ороноо хамгаалагшын жэлдэ ба Агууехэ Эсэгын дайнда илалта туйлаһаар 80 жэлэй ойдо зорюулагдана. Акцида хэншье хабаадаха эрхэтэй.
Хэтэ мүнхын полкын онлайн - жагсаал майн 9-дэ «Россиин хэтэ мүнхын полк» хүдэлөөнэй 2025.polkrf.ru.сайт дээрэ үнгэргэгдэхэ. Дамжуулгын үедэ Агууехэ Эсэгын дайнай үеын зонууд, түүхын һонин баримтанууд тухай хөөрэхэ.
Хабаадаха дуратай зон апрелиин 23-һаа майн 6 болотор 2025.polkrf.ru сайт дээрэ, «ВКонтакте»: vk.com/polk_app ба Одноклассники ok.ru/app/polk хабсаргалтануудта мэдщщлгэ оруулха аргатай. Эмхидхэгшэдэй тэмдэглэһээр, гоёолтогүй, дээрэнь бэшэгдээгүй дайнай үеын гэрэл зурагуудые эльгээбэл, һайшаалтай.
- Танай сэрэгшын гэрэл зурагай үгы һаань, миин нэрэ обогынь, ажамидаралайнь он жэлнүүдые бэшэжэ, онлайн - дамжуулгада хабаадаха аргатайт, - гэжэ «Хэтэ мүнхын полкын онлайн- жагсаал» эмхиин гүйсэдхэхы хорооной хүтэлбэрилэгшэ Наталья Шадрина хөөрэбэ. Майн 6 болотор хүлеэжэ байнгүй, анкетын асуудалнуудта урид харюусаха, гэрэл зурагуудта онсо анхарал хандуулжа, эрилтэнүүдтэ тааруулха хэрэгтэй. Асуудалнуудай гарабал, “халуун” утаһаар һайн дуратанда хандаха арга бии. Һайн дуратанай ажалай гурим тухай Россиин Хэтэ мүнхын полкын сайт дээрэ танилсахаар. Гадна асуудалнуудые [email protected] электрон хаягаар эльгээхэдэ болохо гэжэ Наталья Шадрина нэмэбэ.
Автор: Янжима ДАРМАЕВА бэлдэбэ
Фото: Анна Огородник
