Юрий Трутнев Буряад Уласай ажаһуугшадые майн 1-нэй һайндэрөөр амаршалаа

Оросой Холбоото Уласай Засагай газарай Түрүүлэгшын орлогшо - Алас Дурнын тойрогоор Россиин Юрэнхылэгшын бүрин эрхэтэ түлөөлэгшэ Юрий Трутнев Буряад Уласай ажаһуугшадые Хабарай ба Ажалай үдэрөөр амаршалба.

- Хүндэтэ Алас Дурнын тойрогто ажаһуугшад! Сэдьхэлэй гүнһөө та бүгэдэниие Хабарай ба Ажалай һайндэрөөр амаршалнаб! Ажал хэжэ, ажабайдалаа һайжаруулнабди, һайн дүнгүүдые туйланабди, хамта хүдэлжэ байһан зондоо хүндэтэй болонобди, гэр байраяа зохёожо, үхибүүдээ хүмүүжүүлнэбди, һанал хүсэлөө бэелүүлнэбди. Зориһондоо хүрэжэ, гүрэнэй хүгжэлтэдэ хубитаяа оруулнабди, экономикодо, ниигэмэй һалбарида һайн тээшээ хубилалтануудта нүлөөлнэбди. Мүнөө Алас Дурнын тойрогто үргэн дэлисэтэй гүрэнэй ба коммерческэ түсэлнүүд бэелүүлэгдэнэ, үйлэдбэринүүд ба хангамжын ажахынууд баригдана. Россиин Юрэнхылэгшын шиидхэбэреэр 25 хото һэльбэн шэнэлэгдэнэ. Технологиин талаар хүгжэлтэ, сэрэгэй тусхай үйлэ хэрэгүүдтэ илалта бүхы гүрэнэй шухала бодолгонууд болоно. Алас Дурнын ажаһуугшад энэ ажалда эдэбхитэйгээр хабаадана, үйлэдбэринүүдтэ, һургуулинуудта, эмнэлгын газарнуудта, авиационно заводуудта, судно бүтээдэг газарнуудта хүдэлнэ, олзын хэрэг хүгжөөнэ, арга зүйнүүдые байгуулна. Алас Дурнын хэдэн мянгаад ажаһуугшад сэрэгэй тусхай үйлэ хэрэгүүдтэ хабаадажа, Эхэ ороноо аршална, тойрогой арад зон сэрэгшэдтээ туһална.  Бултанда үшөө дахин баяр хүргэнэб, амжалта, хүсэ шадал, талаан хүсэнэб, - гэжэ Юрий Трутнев амаршалба.