526
Майн 19, гарагай 2, буряад-монгол литээр 22.
22-то эрдэм номдо, зурхайда, урлалай аргануудта һурахада, газар хахалхада, үрэһэ таряа тарихада, адуу мал гаргахада, эд бараа, адуу мал худалдан абахада һайн. Замда гарахые, дэгэл хубсаһа эсхэхые, наһа барагшадай, бэриин хэрэгүүдые хэхые тэбшэхэ.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр харгыда гарахада муу, илангаяа баруун зүг руу.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – үбшэндэ.
Майн 20, гарагай 3, буряад-монгол литээр 23.
23-да гал тахихада, дэгэл хубсаһа эсхэхэдэ, замда гарахада, гэр байшан бодхооходо, аралжаа наймаа ябуулхада, газар хахалхада, үрэһэ таряа тарихада, адуу мал худалдажа абахада, малай нооһыень хайшалхада һайн. Худаг малтахые, нүүхые тэбшэхэ.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
“Хүбүүнэй” үүдэн нээгдэнэ: хүүгэдэй шухала хэрэг үйлэдэхэгүй, түрэһэн үдэрыень тэмдэглэхэгүй, гэрһээ холо эльгээхэгүй.
Энэ үдэр харгыда гарахада, баруун зүг руу муу, бэшэ зүгүүд руу һайн.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – баялигта.
Майн 21, гарагай 4, буряад-монгол литээр 24.
24-дэ замда гарахада, дэгэл хубсаһа эсхэхэдэ, анда нүхэд болоходо, эд бараа, адуу мал худалдан абахада, мал хүнгэлхэдэ, аралжаа наймаа ябуулхада, газар хахалхада, таряа ногоо тарихада һайн. Бэриин үйлэнүүдые, адуу малай үһэ нооһыень хайшалхые тэбшэхэ.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, зүүн зүг руу муу, бэшэ зүгүүд руу һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – үбшэндэ.
Майн 22, гарагай 5, буряад-монгол литээр 25.
Хандамаанарай дүйсэн үдэр.
25-да гал тахихада, дэгэл хубсаһа эсхэхэдэ, замда гарахада, гэр бараа барихада, газар хахалхада, таряа ногоо тарихада, айраг тараг бүрихэдэ, эд бараа, адуу мал худалдажа абахада, адуу малай нооһо хайшалхада, аралжаа наймаа ябуулхада, бэриин, наһа барагшадай хэрэгүүдтэ һайн.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – нюдэнэй даралта хөөрэхэ.
Майн 23, гарагай 6, буряад-монгол литээр 26.
26-да айраг тараг бүрихэдэ, газар хахалхада, таряа ногоо тарихада, адуу малай нооһыень хайшалхада һайн. Замда гарахые, хубсаһа хунар эсхэхые, эд бараа, мал худалдан абахые, худалдахые, аралжаа наймаа ябуулхые тэбшэхэ.
Амгалан тайбанай, хониной хэшэг даллага абахада һайн.
“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада муу, илангаяа зүүн зүг руу муу.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
Үһэеэ абхуулхада – аза жаргалда.
Майн 24, гарагай 7, буряад-монгол литээр 27.
27-до айраг тараг бүрихэдэ, замда гарахада, газар хахалхада, таряа ногоо тарихада, наһа барагшын хэрэгүүдые үйлэдэхэдэ һайн. Бэрииин хэрэгүүдые, гэр байшан бодхоохые, эд бараа, адуу мал худалдан абахые, малай нооһыень хайшалхые тэбшэхэ.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
“Бэриин үүдэн нээгдэнэ: хурим түрэ наадахагүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ гэмгүй.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – үлзытэй.
Майн 25, гарагай 1, буряад-монгол литээр 28.
28-да гал тахихада һайн. Дэгэл хубсаһа эсхэхэ, эд бараа, адуу мал худалдан абаха, адуу малай үһэ нооһо хиргаха, бэриин, наһа барагшын үйлэнүүдые үнгэргэхые тэбшэхэ.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада, баруун зүг руу муу, бэшэ тээшэ һайн.
Луу жэлтэнэй урагшатай, һайн гараг.
Үһэеэ абхуулхада – хэрүүл аманда.
Жаргал лама Дугданов бэлдэбэ
Фото: Анна Огородник
