Н.А. Семашкын нэрэмжэтэ Буряад уласай клиническэ эмнэлгын газарта мастер-класс үнгэргэгдэбэ

Витреоретинальна хирурги гээшэ офтальмологиин эгээ үндэр арга зүйнүүдэй ба орёо шэглэлүүдэй нэгэн болодог. Хирургиин тус янза хүнэй нюдэнэй хараса һэргээдэг, анханайнь анатоми бусаадаг.

С.Н. Фёдоровой нэрэмжэтэ «Нюдэнэй микрохирурги» гэһэн түбэй мэргэжэлтэдэй хүтэлбэри доро уласай эмнэлгын газарай нюдэнэй микрохирургиин таһагта ээлжээтэ мастер-класс үнгэргэгдэбэ.

- Тус технологи нэбтэрүүлгэ Буряад Уласта операцинуудые хэхэ арга боломжо үгэнэ. Үбшэнтэд нютаг можоһоо гадуур, ондоо хотонууд руу ошонгүй, шанартай туһаламжа эндээ абаха аргатай. Энэ арга зүйнүүдые хүгжөөхэ хэрэг эрилтэ ехэтэй, нюдэнэй элдэб үбшэнгүүдтэ дайрагдаһан зон олошорно, - гэжэ Н.А. Семашкын нэрэмжэтэ уласай клиническэ эмнэлгын газарай нюдэнэй микрохирургиин таһаг даагша Дарима Сосорова хэлэбэ.

Нюдэнэй хэдэн янзын үбшэн тоологдодог, эдэ үбшэнгүүд хүндөөр хүрэдэг, олон хүн эрэмдэг бэетэй болодог. Тиимэһээ мүнөө витреоретинальна хирургиин хүгжэлтэ тон шухала. Тэрэнэй ашаар хүнэй хараса һэргээгдэнэ, үбшэнтэдтэ ажамидаралай һайн шанар хангагдана.