Түймэрһөө хохидоһон Буряад Уласай Буй һууринай ажаһуугшадта туһаламжа үзүүлэгдэхэ

Буряад Уласай Засагай газар түймэрэй үедэ гарзада ороһон Буй һууринай ажаһуугшадта 1 сая 155 мянган түхэригэй нэгэ дахин түлэгдэхэ туһаламжа үзүүлхэ  шиидхэбэри абаба. Апрелиин 28-да Буй һууринай шадар гараһан түймэртэ гурбан гэр шатаа, долоон хүн эд бараагаа алдаа. 

Нэгэ дахин түлэгдэхэ туһаламжа долоон хүндэ үзүүлэгдэхэ. 105 000 түхэриг энэ хэрэгтэ шэглүүлэгдээ (хүн бүхэндэ 15 000 түхэриг үгтэхэ). 1 сая 50 000 түхэриг эд бараагаа алдаһан зондо хубаарилагдаха (хүн бүхэндэ 150 000 түх.).

Апрелиин 28-да Буй һуурин шадар хуурай ногоон шатажа эхилээ. Галай усалһаа 140 хоёролжон метрэй талмайда гурбан гэр дүрөө, тиихэдэ хорой соохи барилганууд шатаа. Бэшүүрэй аймагта онсо ушаралта байдалай гурим тогтоогдоо. Буряад Уласай түймэр саралгын хэсэгүүд, һайн дуратанай команда, хүдэлхэдөө түргэн бүлгэм, АПС, ойн аюулгүйе сахигшад, нютагай ажаһуугшад галтай тэмсээ. Улаан-Үдэ хотоһоо МЧС-эй мэргэжэлтэд туһаламжа үзүүлхэеэ ошоһон байна. Олоной хүсөөр 100 гектарай талмайда түймэр тогтоогдоо.

Хэрбэеэ түймэрэй гарахые харабал, тэрэ дары Буряад Уласай ойн аюулгүйе сахигшадта +7 (3012) 20-44-44 утаһаар хонходогты.