Буряад Уласай Засагай газар Стратегическэ үүсхэлнүүдэй агентствэтэй гэр бүлэнүүдые дэмжэхэ хэлсээ баталба

Үнгэрһэн долоон хоногто Буряад Уласай Толгойлогшо Алексей Цыденов, Стратегическэ үүсхэлнүүдэй агентствын генеральна захирал Светлана Чупшева  гэгшэд хэлсээ баталжа, Буряад Уласта олон хүүгэдтэй бүлэнүүдые дэмжэхэ, бүлын баялигуудые бэхижүүлхэ талаар хэмжээ ябуулгануудые түсэблэбэ. Түсэб 62 пунктһаа бүридэнэ.

- Буряад Улас бүлэнүүдые дэмжэхэ демографическа программа бэелүүлжэ эхилһэн 11-дэхи нютаг можо болоно.  Данса дотор 62 хэмжээ ябуулга тоологдоно. Удаадахи үхибүүн бүхэнэй түрэхэдэ, туһаламжа улам ехээр үзүүлэгдэхэ болоно, - гэжэ Светлана Чупшева тэмдэглээ.

Хэмжээ ябуулгануудай дунда уласай эхын капитал хэрэглэхэ талаар һэлгэлтэнүүд оруулагдаха. Тиихэдэ Буряад Уласта «Элүүр энхэ эжын үдэр» бии болохо. Олон үхибүүдтэй эжынэр үдэрэй туршада эмнэлгын шэнжэлэлгэ гараха аргатай болохо. Түсэбэй амяарай хэһэг гэр бүлын үнэтэ зүйлнүүдтэ зорюулагдаха.

- Буряад Уласта 1000 гаран ажалаар хангагшад демографическа стандарт нэбтэрүүлжэ эхилээ. Олзын хэрэг эрхилэгшэд ниигэмэй хүгжэлтэдэ нүлөөлхэ байһанаа ойлгоно, можын хүгжэлтэдэ хабаадаха бэлэн. Урид бидэ Стратегическэ үүсхэлнүүдэй агентствэтэй түсэлэй ба аналитическэ сесси үнгэргөөбди, ниигэмэй объектнүүдые хараабди, аймагуудтай ажал ябуулаабди. Уридщалһан ехэ ажал хэгдээ, тэрэнэй дүнгүүдые согсолжо, тодорхой шиидхэбэринүүдые абанабди, - гэжэ Алексей Цыденов хэлэбэ.