Зурхай - майн 29, гарагай 5, буряад-монгол литээр 3 (2 таһараа)

3-да замда гарахада, дэгэл хубсаһа эсхэхэдэ, гэр бараа барихада, газар хахалхада, таряа ногоо тарихада, айраг тараг бүрихэдэ, эд бараа, адуу мал худалдажа абахада, адуу малай нооһо хайшалхада һайн. Бэриин хэрэгүүдые бүтээхэгүй, худаг малтахагүй.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.

“Түрэлнүүдэй” үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

 Үһэеэ абхуулхада – баялигта.