287
Июниин 9, гарагай 2, буряад-монгол литээр 13.
13-да гал тахихада, газар уһанай ажал хэрэгтэ, гэр байра бодхооходо, газар хахалхада, таряа ногоо тарихада, адуу малай үһэ нөөһыень хайшалхада һайн. Дэгэл хубсаһа эсхэхые, адуу мал хүнгэлхые, худалдахые, нүүхые тэбшэхэ.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
“Хүбүүнэй” үүдэн нээгдэнэ: хүүгэдэй шухала хэрэгүүдые бүтээхэгүй, үһыень абахагүй, гэрһээ холо эльгээхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – жаргалда.
Июниин 10, гарагай 3, буряад-монгол литээр 14.
Дончод хуралай (Бурхан багшын энэ дэлхэйдэ мүндэлһэнэй, гэгээрһэнэй, Махапаранирваанда мордоһоной) түрүүшын үдэр.
14-дэ эд бараа, адуу мал худалдан абахада, худалдахада, шэнэ гэр байра бодхооходо, газар таряанай хэрэгүүдтэ, замда ябахада, адуу малай нооһыень хайшалхада һайн. Адуу мал хүнгэлхэдэ, бэриин, наһа барагшын хэрэгүүдтэ, дэгэл хубсаһа эсхэхэдэ муу.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – баялигта.
Июниин 11, гарагай 4, буряад-монгол литээр 15.
Дончод хуралай гол үдэр.
15-да шэнэ гэр байшан бодхооходо, газар хахалхада, таряа ногоо тарихада, эд бараа, адуу мал худалдан абахада, үгэхэдэ, гаргахада, үһэ нооһыень хайшалхада һайн. Нүүхые, дэгэл хубсаһа эсхэхые, адуу мал хүнгэлхые, наһа барагшын, бэриин үйлэнүүдые тэбшэхэ.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
“Айлшадай” үүдэн нээгдэнэ: айлшадые урихагүй.
Энэ үдэр харгыда гарахада, урда зүг руу муу, бэшэ зүгүүд руу һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – үлзытэй. Гэбэшье һүнэһэн толгойдо оршоно.
Июниин 12, гарагай 5, буряад-монгол литээр 16.
Дончод хуралай түгэсхэл.
16-да анда нүхэр, багшын шаби болоходо, дэгэл хубсаһа эсхэхэдэ, газар хахалхада, таряа ногоо тарихада, аралжаа наймаа ябуулхада, адуу малай нооһо хайшалхада, хүнгэлхэдэ һайн. Барилгын ажал хэхэгүй, агнахагүй, заргалдахагүй.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада муу, илангаяа баруун зүг руу.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – үбшэндэ.
Июниин 13, гарагай 6, буряад-монгол литээр 17.
17-до замда гарахада, хубсаһа хунар эсхэхэдэ, газар хахалхада, таряа ногоо тарихада, аралжаа наймаа ябуулхада, наһа барагшын үйлэнүүдтэ һайн. Адуу мал худалдажа абахые, адуу малай нооһыень хайшалхые, хүнгэлхые, бэриин хэрэгүүдые тэбшэхэ.
Амгалан тайбанай, хониной хэшэг даллага абахада һайн.
“Бэриин” үүдэн нээгдэнэ: хурим түрэ наадахагүй.
Энэ үдэр харгыда гарахада, баруун зүг руу муу, бэшэ тээшэ гэмгүй.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – шэг шарай, нюдэнэй хараа муудаха.
Июниин 14, гарагай 7, буряад-монгол литээр 18.
18-да гал тахихада, айраг тараг бүрихэдэ, адуу малай нооһыень хайшалхада, хүнгэлхэдэ, газар хахалхада, таряа ногоо тарихада һайн. Замда ябахые, дэгэл хубсаһа эсхэхые, эд бараа, адуу мал худалдан абахые, наһа барагшын хэрэгүүдые тэбшэхэ.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада муу, илангаяа зүүн зүг руу.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – гарза гараха.
Июниин 15, гарагай 1, буряад-монгол литээр 19.
19-дэ харгыда ябахада, шэнэ гэр бодхооходо, газар хахалхада, таряа ногоо тарихада һайн. Адуу малай нооһыень хайшалхые, эд бараа, адуу мал худалдан абахые, бэриин, наһа барагшын үйлэнүүдые тэбшэхэ.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
“Үхэлэй” үүдэн нээгдэнэ: хүүр залахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Луу жэлтэнэй урагшатай, һайн гараг.
Үһэеэ абхуулхада – Бурхан багшын һургаал дэлгэрхэ.
Фото: Анна Огородник
