160
Москва хотодо үнгэргэгдэһэн баяр ёһололдо Россиин Дотоодын хэрэгүүдэй сайд Владимир Колокольцев эрэлхэг зориг харуулһан 18 эдиршүүлые шагнаба. Тэдэнэй дунда Буряад Уласай гурбан һурагша: Яна Козлова, Алина Труднева ба Софья Мунгалова гэгшэд. Тэдэнэй харюусалгын ба һэргэг ябаһанай ашаар гэмтэ хэрэг үйлэдэгшые бариба.
«Басагад магазин соо шэрүүн аашатайгаар хуули хазагайруулһан хүниие танижа, бахардангүй полицида дуулгаа. Тэдэнэй анхаралай ба эрэлхэг зоригой ашаар гэмтэ хэрэг үйлэдэгшэ баригдаа. Энэ сэдьхэл һанаанай, ухаан бодолой ба эрхэтэнэй ехэ харюусалгын хүсэнэй жэшээ болоно. Сэдьхэлэй гүнһөө түрэлхидтэ, багшанарта, залан хүтэлэгшэдтэ баяр хүргэнэб. Таанад манай уласай бодото эрхэтэдые хүмүүжүүлээт», - гэжэ Буряад Уласай Толгойлогшо Алексей Цыденов хэлэбэ.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албан
