«Дурасхаалта нэгэдэл. Баатаршалгын хүсэн!» гэһэн агитационно поезд Буряад Улас ерэхэ

Июниин 6-да Улаан-Үдэдэ «Дурасхаалта нэгэдэл. Баатаршалгын хүсэн!» акциин хэмжээндэ агитационно поезд тогтохо.

 Хабаадагшад Агууехэ Эсэгын дайнай үйлэ хэрэгүүдтэ, Эсэгэ ороноо мүнөө сагта хамгаалагшадта зорюулагдаһан экспозицитай танилсаха, мүн сэрэгэй техникэ хараха.

Идхалгын поездын бүридэлдэ газар дээрэхи, агаарай ба космическа, агаарай десантна сэрэгүүдтэ, далайн флодто, Россиин Хамгаалгын яаманай соёлой Департаментда. Юнармида ба Оросой Холбоото Уласай сэрэгэй ба политическа хүтэлбэридэ зорюулагдаһан сэдэбүүдтэй найман вагон ороно. Экспозицинүүд Эсэгэ ороноо хамгаалагшадай баатаршалганууд болон мүнөө сагай Эхэ ороноо аршалагшад тухай хөөрэхэ.

Үзэсхэлэндэ сэрэгэй тусхай үйлэ хэрэгүүдэй үедэ манай гүрэнэй сэрэгшэдэй эзэмдэн абаһан дайсанай техникын ба зэбсэгүүдэй дүрсэнүүд табигдаха, тэрэ тоодо американска M113 ба MaxxPro бронетранспортернууд, Турцида бүтээгдэһэн Kirpi бронеавтомобиль,  Канадын Roshel Senator ба США-да хэгдэһэн Cougar.
Тэрээнһээ гадуур, поездын бүридэлдэ платформа-тайзан байха, тайзан дээрэ уран һайханай бүлгэмүүдэй тоглолто дурадхагдаха. Тиихэдэ акциин хэмжээндэ Россиин Хамгаалгын яаманай «За Помощь и Милосердие» медаляар сэрэгшэдые дэмжэһэн зон шагнагдаха, эдир армейцүүдэй бүридэлдэ абаха ёһолол үнгэргэгдэхэ. Хэмжээ ябуулгада Россиин Герой Сергей Владимирович Бакинай түрэлхид хабаадаха. Тэрэнэй нэрээр Буряад Уласай Загарайн аймагай эдир армейцүүдэй отряд нэрлэгдэхэ.

Поезд Оросой Холбоото Уласай 75 хото, 61 субъект хүрэхэ. Акци Агууехэ Эсэгын дайнда Илалта туйлаһаар 80 жэлэй ойдо, Эсэгэ ороноо хамгаалагшадай жэлдэ зорюулагдана.