«Алас Дурна» гэһэн литературна шангай түлөө хабаадагшадые уласхоорондын жюри сэгнэхэ

«Алас Дурна» гэһэн бүхэроссиин В.К. Арсеньевэй нэрэмжэтэ литературна шангай 7-дохи хаһын шүүгшэдэй ба тобшолол хэдэг мэргэжэлтэдэй зүблэлэй гэшүүд элирүүлэгдэбэ. Тэдэ шанда хүртэхын түлөө мүрысөөндэ Алас Дурнын тойрогой нютаг можонуудһаа хабаадагшадые сэгнэхэ. Жюриин ба тобшолол хэдэг мэргэжэлтэдэй зүблэлэй гэшүүдэй тоодо литературын мэдээжэ ажаябуулагшад, Россиин ба гадаада гүрэнүүдэй гуманитарна эрдэмэй түлөөлэгшэд, мэдээжэ хэблэгшэд ба сэдхүүлшэд ороо.

Уран зохёолшо, поэт, драматург, киносценарист ба олониитын ажаябуулагша Юрий Поляков конкурсын 7-дохи хаһын жюриин түрүүлэгшэ болобо. Шүүгшэдэй тоодо Ван Цзиньлин – лингвист, филологиин эрдэмэй доктор, профессор, ород хэлэнэй багша ба оршуулагша (Хитадай Арадай Улас), Мария Залесская – уран   зохёолшо, түүхэ шэнжэлэгшэ, биограф, сэдхүүлшэ, Ким Сон Мён – лингвист, филологиин эрдэмэй доктор наук, профессор, багша, ород литератураар ба соёл хоорондын харилсаагаар мэргэжэлтэн ( Солонгос Улас), Олег Трушин – уран зохёолшо, нютаг ороноо шэнжэлэгшэ, Сергей Турко – албанай литературын «Альпина Паблишер» хэблэлэй ахамад редактор гэгшэд В.К. Арсеньевэй нэрэмжэтэ литературна шангай жюриин бүридэлдэ ороо.