Эди шэдитэ Зонхобын тарни

Мэгзэм

Мигмид зэби Дэршэн жангри – сэг

Димэд шэнбии вамбоо жомби – ян

Дүдбүн маалүй жонзад санбиидаг

Ганжан хайбии зүгжэн Зонхоба

Лубсан дагби шаблаа солваандэв.

Асари хүсэтэй мэгзэм

Мэгзэм уншалгын аша үрэнь ба туhань саглашагүй ехэ буянтай. Бо­гонихон тарниин мүрнүүдынь дээ­дын бурхадай хүсэтэй адис үреэлэй убадистай. Хүнэй наhан утадхагдажа, hайн талануудынь хүгжэдэг. Удаада­хи наhандаа үндэр түрэлтэй хүнэй заяатай гү, али бурханай орондо мүндэлхэ.

Мүн лэ мэгзэм уншаhанай ашаар мүнөө наhандаа үйлэдэhэн табан забhаргүй муу хэрэг, арбан хара нүгэл арилгагдажа, сиддхи ол­гогдохо.

Арбан зүгэй будданарые бэедээ шэнгээhэн Богдо Зонхобын ган­са нэрын абяанhаа хамаг муу муу­хай, бузар буртаг хумхиин тооhоор дэгдэдэг. Yнэнхэ зүрхэнhөө шүтэн зальбарhан хүнүүдые Богдо Зонхобо мүнөөнэйшье, хойтошье наhандань аршалан хамгаалдаг. Хүнэй hанаhан, зориhон бүхы хэрэгүүдые хүсэлдүүлхэ убадистай.

Асари хүсэтэй Богдо Зонхо­бо Арьяабаала бурхандал энэрхы сэдьхэлээр адисладаг, Манзушри бурхандал сэсэн мэргэн ухаан бо­дол үршөөдэг, Аюуша бурхандал гэнтын үхэлhөө абардаг, Отошо бурхандал үбшэнгүүдые эдэгээдэг, Дари бурхандал найман ехэ аюул, гай тодхор зайсуулдаг, Аби­да бурхандал тамын зоболонhоо татажа гаргаха аргатай, Ошорваани бурхандал хамаг дайсадhаа, хулгайшадhаа, дээрмэшэдhээ ар­шалдаг. Ямандага бурхандал хараг­дахашье, харагдахагүйшье бэетэй абарга дошхон, галзуу дайсадые дараха эди шэдитэй. Богдо Зонхо­бын үшөө хизааргүй ехэ арга бо­ломжонуудынь хүнэй ухаан бодол­до абташагүй. Тэрээндэ hүзэглэн шүтэгшэд дайн байлдаануудай үедэ буу зэбсэгтэ дайрагдахагүй, hомондо хүсэгдэхэгүй. Дайруулаа, хүсэгдөөшье hаа, шархатахагүй. Шархатаашье hаа, үхэхэгүй.

Сагай уларил хубилгадаг

Yшөө Богдо Зонхобын зүрхэн тар­ни сагай уларилда нүлөө үзүүлхэ убадистай гэжэ онсо тэмдэглэгдэ­дэг. Америкын Нью-Йорк хотын ажаhуугша эхэнэр иигэжэ бэшэhэн байна:

- Манай эндэ үргэлжэ бороо саhатай шанга hалхинууд боло­дог. Тиигээд нэгэтэ намтай иимэ ушар болоhон юм. Минии гэрэй балкон дээрэ гулабхаа уурхайлаа. Yсэд нэтэрүүгээр үндэгэнүүд дээ­рээ hууhан шубуухайе би үдэр бүри хооллуулдаг байгааб. Нэгэтэ аргагүй шанга hалхитай аадар бороо орожо, би гулабхаагай уурхайн түлөө ехээр hанаагаа зобоо hэмби. Хүсэтэй hалхин уурхайе дальба­раануудтайнь хамта хиидэ үргөөд хаяжархихаар hэдэжэ байгаа hэн. Би ехээр айжа hүрдэhэндөө мэгзэм уншажа эхилээб. Ехэл гайхалтай, теэд аадар hалхин ехэ түргэн тогто­шобо! Би тиихэдэ миин гэнтын зол талаан тудалдаа гэжэ шиидээ hэм. Теэд нэгэ хэды үдэр үнгэрөөд, үшөө хүсэтэй hалхитайгаар аадарлаха­дань, би дахин мэгзэм уншабаб. Дүүргэн сасуумни тэрэ дары бороо тогтоод, наран игааhан юм. Би тии- хэдэ гайхамшагта мэгзэм тарниин сагай уларил hэлгэхэ шадалтай эди шэдидэ этигээ hэм!

Уданшьегүй нэгэтэ hүни мүн лэ шанга hалхинай хажуугаар тэнгэ­риин дуутай, сахилгаатай ба гулаб­хаагай үндэгэнэй зэргэ мүндэртэй аадарай ороходо, одоол гулабхаа­гаа абаржа шадахагүйб гэжэ hанаа бэлэйб. Тиибэшье шангаар мэгзэ­мээ уншажа эхилбэб… Гайхалтай, уданшьегүй аймшагтай hалхитай шииг нойтон тогтожо, гулабхаамни уурхайтаяа бүтэн бүрин үлөө hэн даа. Тиигэжэ би гурбадахияа мэгзэ­мэй гайхамшагта хүсые өөр дээрээ үзэжэ, нангин шүтөөнэй этигэлни улам бүхэжэhэн байна.

Саашадаа Зонхобын зүрхэн тар­ни тушаа олон hонирхолтой мэ- дээнүүдые оложо уншааб. Илан­гаяа манай эндэ, Америкэдэ, ажаhуудаг Сопа лама мэгзэм тушаа hонирхолтойгоор бэшэдэг.

Сэдьхэлэй үбшэнгүүдые сарадаг

Түбэдэй буддын шажанай агууехэ багшанарай нэгэн, йогин, сэсэн мэргэн Зонхобо лама XIV зуун жэлдэ ажаhууhан. Тэрэ Гелуг гэhэн буддын шажанай hалбари байгуулhан ехэ аша габьяатай.

Хурамхаанай дасанай шэрээтэ Олег Намжилов мэгзэм тушаа иигэ­жэ бэшэнэ:

- Мэгзэм – буддын шажанай эгээл хүсэтэй тарнинуудай нэгэн. Даяан­да hуужа, бисалгалай байдалда 100 мянга дахин мэгзэм уншаhан хүн сахилгаанда сохюулхагүй, галда абтахагүй, hомондо дайрагдахагүй.

Мэгзэм олон үбшэнгүүдые эдэгээдэг, хүнэй үйлын үриие сэбэрлэ­жэ, хуби заяа hайн тээшэнь хубилга­даг.

Сэдьхэлэй үбшэнэй эхиндэнь мэгзэм hайнаар уншабал, мүр сараагүйгөөр эдэгээдэг. Элдэб юумэ шэхэндээ дуулажа, хии юумэнhээ hүрдэжэ, сэдьхэлэй үбшэндэ са­рагдажа эхилhэн хүнүүд намда хандаhан ушарнууд бии. Би тиимэ үбшэнтэдтэ мэгзэм уншаха тухай зүбшэл үгэдэгби.

Yнэнхэ сэдьхэлhээ этигэжэ, үдэр алгадангүй, хананхатайгаар унша­бал, нэгэ хэды долоон хоногой тур­шада үбшэн сарагдадаг.

Yдэр бүри 108 дахин мэгзэм ун­шажа байбал, гэр бүлын, ажал хүдэлмэриин байдал hайн тээшээ хубилдаг.

Өөр дээрээ мэдэхэб, нэгэ-хоёр hарын туршада мэгзэм уншахада, дасанда баяр баясхалантай ушар­нууд олошордог.

Мэгзэмэй эди шэдитэ хүсые ямар­шье ухаан бодолой, логикын талаар тайлбарилхын аргагүй. Юрын хүнэй хараа бодолоор ойлгохоор бэшэ, юртэмсын ехэ таабарил даа. Мэг­зэм - Зонхобо бурханай заяаhан нангин hургаалай зандан модоной набшаhанууд.

Түбэдүүд мэгзэмдэ аргагүй ехээр шүтэдэг, тэрэниие үйлэдэhэн хүнүүдтэй гайхамшагта ушарнууд бо­лодог гэжэ онсо тэмдэглэгдэдэг.