459
Июниин 23, гарагай 2, буряад-монгол литээр 28.
28-да гал тахихада һайн. Эд бараа, адуу мал худалдажа абахые, дэгэл хубсаһа эсхэхые, адуу малай үһэ нооһыень хайшалхые, бэриин, наһа барагшын үйлэнүүдые тэбшэхэ.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ гэмгүй.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – хэрүүл аманда.
Июниин 24, гарагай 3, буряад-монгол литээр 29.
Нирманарати түбиһөө бурхад буужа, хүн зоной һайн, муу хэрэгүүдые шэнжэдэг.
29-дэ дайсаниие номгодхоходо, ада шүдхэр дарахада, гүү барихада, мал гаргахада, агнахада һайн. Бэриин, наһа барагшын хэрэгүүдтэ, дэгэл хубсаһа эсхэхэдэ, адуу малай үһэ нооһо хайшалхада, мал худалдахада, аралжаа наймаа ябуулхада муу.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
“Үхэлэй” үүдэн нээгдэнэ: наһа барагшын үйлэнүүдые бүтээхэгүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – һүнэһэн зайлаха.
Июниин 25, гарагай 4, буряад-монгол литээр 30.
Бурхан багшын дүйсэн үдэр.
30-да айраг тараг бүрихэдэ һайн. Эд бараа, адуу мал худалдахые, үһэ нооһыень хайшалхые, дэгэл хубсаһа эсхэхые, наһа барагшын, бэриин үйлэнүүдые тэбшэхэ.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
“Ниитын” үүдэн нээгдэнэ: суглаа зарлахагүй,шухала уулзалга эмхидхэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ хамаагүй.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – хэлэ аман дэлгэрхэ, ами наһанда харша.
Июниин 26, гарагай 5, буряад-монгол литээр шэнын 1.
Шэнын 1-дэ эд бараа, адуу мал худалдан абахада, һургахада, гүү барихада, дэгэл хубсаһа эсхэхэдэ, замда гарахада, газар хахалхада, худаг малтахада, таряа ногоо тарихада һайн. Адуу мал хүнгэлхэгүй, үһэ нооһыень хайшалхагүй, наһа барагшын хэрэг бүтээхэгүй.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – наһан хорохо.
Июниин 27, гарагай 6, буряад-монгол литээр 2.
2-то тушаалда дэбжүүлэгдэхэдэ, аргада ороходо (эмнүүлхэдэ), замда гарахада, худаг малтахада, пеэшэн табихада, хубсаһа хунар эсхэхэдэ, газар хахалхада, таряа ногоо тарихада, эд бараа, адуу мал худалдан абахада һайн. Адуу малай нооһо хайшалхые, адуу мал хүнгэлхые, наһа барагшын хэрэг бүтээхэ үйлэнүүдые тэбшэхэ.
Амгалан тайбанай, хониной хэшэг даллага абахада һайн.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр "морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – үбшэндэ, хэрүүл аманда.
Июниин 28, гарагай 7, буряад-монгол литээр 3.
Сог буянта Бальжиниматай үдэр амиды ба нүгшэһэнэй ямаршье үйлэдэ һайн. Синпүн гэхэ мэтэ газарай бусад эзэдэй байбашье, али үгышье һаань, согто хутаг, буян болохо.
3-да замда гарахада, дэгэл хубсаһа эсхэхэхэдэ, эд бараа, адуу мал худалдан абахада, шэнэ гэр байшан бодхооходо, хушахада, пеэшэн табихада, адуу малай нооһыень хайшалхада һайн. Бэриин хэрэгүүдые, худаг малтаха хэрэгүүдые тэбшэхэ.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Энэ үдэр харгыда гарахада, урда зүг руу муу, бэшэ зүгүүд руу һайн.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – баялигта.
Июниин 29, гарагай 1, буряад-монгол литээр 4.
Үлзы хэшэгтэй, амгалан жаргалантай Дашаниматай үдэр абишиг (Ваан) хайрлахада, һайтар байгуулхада (рамнай үргэхэдэ) һайн.
4-дэ багша шаби болоходо, аралжаа наймаа ябуулхада, модоор уран дарха хэхэдэ, адуу мал гаргахада, үһэ нооһыень хайшалхада, бэриин үйлэнүүдтэ һайн. Дэгэл хубсаһа эсхэхые, мал хүнгэлхэ хэрэгүүдые тэбшэхэ.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Луу жэлтэнэй урагшатай, һайн гараг.
Үһэеэ абхуулхада – шэг шарай һайжарха.
Жаргал лама Дугданов бэлдэбэ
Фото: Анна Огородник
