​«Алтаргана-2024» фестивальда бэлэдхэл эхилээ

 - Буряадай делегациин үндэһэтэнэй хубсаһан бүхы һургаалай дүримөөр оёгдоо­той байха ёһотой. Уг угаараа хубсаһан илгаатай, зарим ушарта тиимэшье ехэ илгаа үгы шэнги байдаг, нюдэндэ ойлгогдодоггүй. Тиигэбэшье угаа түлөөлэгшэдтэ энэ зүйл ехэ шухала. Бэлдэлгын үедэ эмхидхэлэй хорооной гэшүүд анхаралтай байхыет­най уряалнаб, - гэжэ Буря­адай Толгойлогшо онсолон тэмдэглэбэ.

Буряад Уласай делегаци Алексей Цыденов удари­даха. Фестивальда хуули бүридхэлгын, гүйсэдхэхы засагай, соёл уралигай, тамирай түлөөлэгшэд, ула­сай аймагуудай ажаһуугшад хабаадаха.

Хэмжээ ябуулгын про­граммада уран һайханай коллективүүдэй тоглол- тонууд хүлеэгдэнэ. 15 янзын конкурснууд, буряад барилдаагаар, һур хар­балгаар, буряад шатараар мүрысөөнүүд болон үшөө олон тэмсээнүүд эмхидхэг­дэхэ.

Һануулхада, 2022 ондо Булган аймагай 40 түлөөлэгшэд Үбэр Байга­лай хизаарай Ага тосхондо үнгэргэгдэһэн уласхоорон­дын фестивальда хабаадажа, 2024 ондо Булган аймагтаа тус хэмжээ ябуулга эмхидхэ­хэ эрхэдэ хүртөө һэн.

«Алтаргана» фестиваль нэн түрүүн буряад соёл, буряад үндэһэтэнэй тамирай янзануудые дэлгэрүүлнэ. 2 жэлэй нэгэ удаа буряадуу­дай ажаһуудаг можо хизаар- нуудта үнгэргэгдэдэг. Буряад Уласта фестиваль 2016 ондо болоо һэн.