287
Мүнөөдэр, февралиин 26-да, үдэшын 17 сагта Буряад драмын театрай бага тайзан дээрэ «Эрьен "жаргаха" наһан» (18+) гэһэн клип олоной һонорто дурадхагдаха.
Дуунай автор Николай Шабаевай дурадхалаар «Буряад ТВ» телесубагай бүтээһэн энэ клип сэрэгэй тусхай операцида хабаадаһан баатарнуудай дурасхаалда зорюулагдаа. Баримтата клиптэ аха дүү Алексей болон Андрей Очировуудай сэрэгэй тусхай операцида үнэн болоһон үйлэ хэрэгүүдтэ үндэһэлнэ.
- Эхэ орондоо дурлал, эрэлхэг баатаршалга тухай эндэ харуулагдана. Клиптэй танилсалгын үдэшэ аха дүү Очировуудай үнэн болоһон үйлэ хэрэгүүд тухай Олег Юмовэй «На службе отечества» гэһэн баримтата фильм харуулагдаха, - гэжэ Буряад театрай мэдээсэлэй албан дуулгана.
Фото: Буряад драмын театрай мэдээсэлэй албан
