​Ородой дүрбэн нютаг можын буддын шажантан бэе бэеэ Сагаалганаар амаршалба

Сагаа һарын түрүүшын үдэр Россиин дүрбэн нютаг можын ажаһуугшад телемостын аргаар бэеэ бэеэ амаршалба. Буряад Улас, Үбэр Байгалай хизаар, Эрхүү можо ба Тыва Улас дулаахан амаршалгануудаар, үреэлнүүдээр андалдаба. Сэхэ дамжуулгын үедэ нютаг можонуудай толгойлогшонор, Эрхүү хотодо Монголой генеральна консул амаршалгын үгэнүүдые хэлээ.  Алексей Цыденов Буряад уласай зүгһөө аха дүүтэ арадуудые амаршалаа.

- “Сайн байна, Экии, Мендвт! Манай хэлэнүүд дээрэ “Здравствуйте!“ гэһэн үгэ ондо-ондоогоор зэдэлээшье һаа, үдэр бүриин үреэлнүүд болоно. Мүнөөдэр бидэ амаршалгын эгээ дулаахан үгэнүүдые, үреэлнүүдые таанадтаа бэлэглэнэбди! Элинсэг хулинсагайнгаа ёһо заншалнуудые бүхы наһан соогоо гамтайгаар сахин ябанабди, манай эб найрамдал, хани нүхэсэл бэхижүүлнэбди. Агууехэ Росси гүрэмнэй бидэниие нэгэдүүлнэ. Бэе бэеһээ холо ажаһуужа байгаашье һаа, Ородой Холбоото Уласай туг доро, Россиин һүлдэ дуун доро, манай Юрэнхылэгшын хүтэлбэри доро бүхы бэрхэшээлнүүдые дабан, урагшаа дабшанабди. Бидэниие түрэл болгоһон соёл ба заншалнууд хүгжэн һалбараг лэ! - гэжэ Буряад Уласай Толгойлогшо аха дүүтэ нютаг можонуудай ажаһуугшадта хандаа.