1100 гаран мэдүүлгэ «Время смыслов» гэһэн уряал зурагай урлалай мүрысөөндэ ороо

Апрелиин 6 болотор Сергей Ефремовэй нэрэмжэтэ «Удхануудай саг» гэжэ конкурсдо мэдүүлгэ абтаха. Мүнөө гүрэнэй элдэб булангуудһаа 1100 гаран мэдүүлгэ ороо. Хэмжээ ябуулгада ехэшүүл ба эдиршүүл хабаадана. Конкурсын дүнгөөр 39 илагша 13 шэглэлээр элирүүлэгдэхэ.

- Уряал зураг юрын, гэхэтэй хамта үйлэ хэрэгтэ уряалһан урлалай нэгэ янза. Ажал, гэр бүлэ, амаралгын саг, тамир гэхэ мэтэ ажабайдалай һалбаринууд конкурсын 13 номинацида оруулагдаа. Эндэ политическэ ойлгосо үгы, тиигэбэшье уряал зурагууд гүрэнэй үндэһэ һуури болохо баялиг, ажамидарал, удха шанар харуулна, - гэжэ Алас Дурнын тойрогоор Оросой Холбоото Уласай Юрэнхылэгшын бүрин эрхэтэ түлөөлэгшын орлогшо Григорий Куранов тэмдэглээ.

Мэдээжэ уран зураашад, дизайнер мэргэжэлтэй зон хүдэлмэринүүдээ эльгээгээ. Конкурсын ниигэмэй сүлжээндэ дүримүүдтэ таараһан, шалгалта гараһан ажалнууд хэблэгдэнэ. Хабаадагшадай тоодо Россиин ба дэлхэйн мүнөө сагай арт-сценын уран зураашан Зорикто Доржиев оролсоно.

10 хүрэтэр наһатай авторнууд, мэргэжэлтэ уран зураашад, дизайнернууд конкурсда хабаадана, тиихэдэ визуальна урлалай объектнүүдые байгуулдаг, уряал зурагта дуратай зон мүн захяануудые эльгээнэ. 

Конкурсда урид байгуулагдаһан ба шэнэ хүдэлмэринүүдые эльгээжэ болохо. Бүхы ажалнууд конкурсын ниигэмэй сүлжээндэ хэблэгдэхэ. 13 янзада 39 илагша байха. Шүүгшэд Гран-при шан тогтооходоо болохо, харин эрхим 20 хүдэлмэри «Россиин найдал» гэжэ тусхай категоридо шагнагдаха юм. Илагшадай нэрэнүүд апрелиин 18-да элирхэ, шагнал барюулалгын ёһолол апрелиин 24-дэ үнгэргэгдэхэ. Хүдэлмэринүүдые https://vk.com/vremyasmyslov ссылкээр харахада болохо.