«Удхануудай саг»: Буряадай ажаһуугша уряал зурагуудай мүрысөөндэ илаба

Мүнөө сагай уряал зурагай урлалай Сергей Ефремовэй нэрэмжэтэ «Удхануудай саг» мүрысөөнэй илагшад элирүүлэгдэбэ. Северобайкальск хотын 14 наһатай ажаһуугша Анны Маркаускайте «Граммшье эдингүй» гэһэн хүдэлмэриеэ мүрысөөндэ эльгээжэ, «Россиин найдал» гэһэн тусхай категорииин 20 илагшын тоодо оробо.

Мүрысөөнэй шүүгшэдэй бүридэлдэ Россиин ба дэлхэйн мүнөө сагай арт- тайзанай гайхамшагта буряад уран зурааша Зорикто Доржиев ороо. Илагшадай хүдэлмэринүүдэй үзэсхэлэн Москвагай Омельченкын галерейдэ апрелиин 25-һаа майн 7 болотор дэлгээгдэхэ.

— Плакадууд юрын, гэхэтэй хамта, үйлэ хэрэгүүдтэ уряалһан урлалай нэгэ янза. Конкурсын 13 янзада ажал хүдэлмэри, гэр бүлэ, амаралгын саг, тамир гэхэ мэтэ һалбаринууд харуулагдаа. Тус янзануудта политическа категори үгы, тиигэбэшье тэдэ гүрэнэй үндэһэ һуури болохо баялигуудые, ажабайдал, удхануудые харуулна, - гэжэ Алас Дурнын тойрогоор Оросой Холбоото Уласай бүрин эрхэтэ түлөөлэгшын орлогшо Григорий Куранов тэмдэглээ.

Конкурсдо 2,2 мянган хүнэй 3,2 мянган хүдэлмэри хабаадаа. Тиин дүнгүүдые согсолходо, 13 янзада 59 илагша элирүүлэгдээ. Буряад Уласһаа 66 уряал зураг конкурсдо эльгээгдэһэн байна. 10- һаа 21 хүрэтэр наһатай эдиршүүл ба залуушуул хэмжээ ябуулгада эдэбхитэйгээр хабаадаа. Энэ бүхы хабаадагшадай 73 хубинь болоно. Хүдэлмэринүүд Россиин 84 нютаг можоһоо эльгээгдээ, тиихэдэ Молдавиин, Казахстанай, Белоруссиин, Ганын, Эквадорой, Зимбабве гүрэнэй ажаһуугшад.
конкурсда оролсоо. Илагшадай хүдэлмэринүүдтэй түсэлэй сайт дээрэ танилсахада болохо: время-смыслов.рф/award.