​Бүхэдэлхэйн циркын үдэр тэмдэглэгдэхэнь

Апрелиин 17-до болон 18-да Ород драмын театр соо Буря­адай цирк Бүхэдэлхэйн Циркын үдэртэ зорюулагдаһан тусхай найр наада харуулхань. Харагшадта эрхим номернууд дурадхагдаха: морин хуурай аялга доро тэнгэри хүрэтэр дэбхэрэн «ниидэдэг» акро­бадууд, 1-дэхи каналай «Минута славы» гэһэн дамжуулгын финалда хабаадаһан уян нугархай басагад, агаарай гимнастнууд, фокуснигууд болон жонглёрнууд, скейтбордист­нууд болон клоунууд.

Энэ һайндэртэ Монголой «Khadgaa» гэһэн циркын артистнар хабаадаха гэбэл: Монте-Карло, Франци болон Россида үнгэргэгдэһэн циркын ис­кусствын уласхоорондын фестиваль­нуудта шангай һууринуудые эзэлһэн фокусник болон жонглёр Дашдэндэв Ням болон клоун Дэлгэрма Цэнгун.

Хүндэтэ нүхэд, та бүгэдэниие апрелиин 17-до болон 18-да 18.30 сагта Ород драмын театрта хүлеэнэбди!