​Марафондо хабаадалсыт!

Буряад Республикын болон Хориин аймагай байгуулагдаһаар 90 жэлнүүдэй ойн баярые угтуулан, республикын арадай поэдүүд Цырен-Дулма Дондоковагай, Цырендулма Дондогойн дурасхаалые мүнхэлхэ талаар РБ-гэй Уран зохёолшодой холбоон, тэрэнэй урагшаа һанаатай ударидагша, республикын арадай поэт М.Р. Чойбонов ехэ ажал ябуулһан байна.
Республикымнай уран зохёолшод, композиторнууд, поэдүүд, түүхэшэд бо­лон шэнжэлэгшэд Хориин гайхамшагта эхэнэрнүүдэй, алдар соло, баатар­шалга, аша габьяа уран бүтээлнүүдтээ мүнхэлэнхэй. Олон хүүгэдтэй, ажалша солоороо алдартай, талаан бэлигтэй эхэнэрнүүдэй нэрэ мүнхэлхэ, алдар солыень үргэхэ гэһэн зорилготойгоор Хориин аймагай түб һууринай хажууда Наран хадын хойморто “Хори хатан” гэһэн хүшөө бодхоогдожо, октябриин 18-да тэрэниие нээлгын баяр еһолол үнгэргэгдэһэн байна.

Хори нютагаархидай эблэлэй, хүшөө бодхоолгын түлөө харюусалгатай эмхид­хэлэй хорооной гэшүүд апрелиин 19-дэ Буряад драмын театрай ордондо “Хори хатан” гэһэн хүшөө бодхоолгын ушара­ар, тиихэдэ оршон тойронхи талмайень болбосон түхэлтэй болгохо талаар хандиб үргэлгын марафон үнгэргэхэнь.

Хориин, Хэжэнгын, Яруунын, Ба­унтын, Загарайн, Мухар-Шэбэрэй ай­магуудай, тиихэдэ Агын автономито округой Агын аймагай захиргаанууд энэ марафон эмхидхэлсэжэ үнгэргэхэнь. Буян үйлэдэлгын хэмжээ ябуулгада республикын олониитын түлөөлэгшэд, аймагуудай ажаһуугшад, эмхи зургаану­удай ажалшад эдэбхитэйгээр хабаадаха гэжэ найдагдана.

Республикын зохёохы коллективүүд, бэлигтэй дуушад, хатаршад энэ хэмжээ ябуулгада хабаадажа, уянгата һайхан дуунуудаа дуулаха, уян хатарнуудаа харуулха байна.

Энэ буянта үйлэ хэрэгтэ, “Хори хатан” гэһэн проект бэелүүлгэдэ булта эдэбхи­тэйгээр хабаадыт гэжэ республикынгаа ажаһуугшадые уряалнабди.

Эмхидхэлэй хороон
БЛАГОТВОРИТЕЛЬНЫЙ ФОНД ПО СТРОИТЕЛЬСТВУ МЕМОРИАЛЬНОГО СКУЛЬПТУРНОГО КОМПЛЕКСА «ХОРИ-ХАТАН»
Расчётный счёт № 40703810959060000031, рублёвый Бурятский РФ ОАО Россельхоз­банк, г.Улан-Удэ БИК 048142727, ИНН 0321005882 КПП 032101001 К/с 30101810400000000727 

ОГРН: 1027700342890