2198
Майн 31-дэ үдэрэй 15 сагта Гүрэнэй Буряад драмын Х.Намсараевай нэрэмжэтэ академическэ театр соо түрэл арадайнгаа ёһо заншал, соёл, түүхэ, хэлэ бэшэг, шажан мүргэлөө, мэдээжэ болон юрын зониие үргэдэг, республика соо болон гадуур болоһон гүн удхатай үйлэ хэрэгүүдые саг үргэлжэ харуулдаг БГТРК-гай «Буряад орон» гэһэн теле-дамжуулгын (хүтэлэгшэдынь – мэдээжэ журналистнууд, «Буряадай түрүү хүнүүд» гэһэн «Үнэнэймнай» конкурсын лауреадууд Баир Дамбаринчинов, Дарима Жамсоева) байгуулагдаһаар 25 жэлэй ойн баяр тэмдэглэгдэхэнь.
Майн 30-да БГТРК-гай агаарай долгиндо гараһан мэдээсэлэй дамжуулгын 8-дахи минутада 42-дохи секундада «Буряад орон» теле-дамжуулгын ойн баярта урилга-сюжет харуулагдана.
Ойн баярай концертдэнь Буряадай оперын болон эстрадын «одод» - Дамба Занданов, Хажидма Аюржанаева, Эржена Базарсадаева, Намхайн Мунхзул, Мэдэгма Доржиева, Эдуард Жагбаев, Бэлигма Ринчинова, Д.Бальжинимаев, Дулма Сунрапова, елена Борохитова, «Байгал» гэһэн үндэһэн театр, «Нюанс» гэһэн Монголой поп-оперын бүлэг хабаадана. «Баярыемнай хубаалдахаа ерыт» гэжэ бүхы харагшадаа БГТРК-гай «Буряад орон» гэһэн буряад хэлэн дээрэ гарадаг теле-дамжуулга бэлдэдэг зохёохы бүлэг урина.
