426
Энэ хэрэгтэ 3,2 миллион түхэриг гаргашалагдаа. Гадна Соёлой байшан заһабарилгын ажалда 3,6 миллион түхэриг һомологдоо.
«Мунхэ Бадар» аман зохёолой ансамблиин болон «Сагаан турлааг» этно-рок бүлгэмэй
эдэбхитэй зохёохы ажалда автобус ехэ хэрэгтэй байгаа, - гэжэ соёлой таhагай дарга Светлана Тулаева тэмдэглэнэ. Нютагтань иимэ түхэлэй унаа үгы, тиимэһээ шухала асуудал олон жэлдэ байгаа, иишээ тиишээ ошоходоо, жолоошодые хүлhэлдэг байгаадби. Нютаг бүхэндэ автобус байгаа hаа, уран һайханай ажал хүдэлмэри үшөө hайнаар ябаха байгаа гээд тэмдэглэмээр. Уран һайханай бүлгэмүүд аймагаараа болон аймагһаа гадуур нааданай аянда гараха аргатай болохо байгаа.
Хужирта 1000 үлүүтэй хүн ажаhууна, Шимкида 500 шахуу. Хужирта олоной ябуулгада эдэбхитэйгээр хабаададаг зон ажаhуудаг. Мүнөө үедэ тэндэ хэдэн клубууд бии: буряадай аман зохёолой «Мүнхэ-Бадар» ансамбль, арадай үндэhэн хубсаhанай театр, пенсионернуудай «Хозяюшка», «Мүнгэн-Хазаар» бүлгэмүүд, арадай дуунуудые гүйсэдхэлгын, зохёол байгуулга, «Түнхэн» гэжэ
дуулалгын бүлгэм, залуушуулай «Реалити» клуб. Үшөө тиихэдэ, «Сагаан Турлааг» дуу бэшэлгын студи бии. Тэндэ гитара дээрэ наадажа hургадаг хэшээлнүүд үнгэрдэг. Хужир нютагта түрэhэн, мүнөө наһанайнгаа амаралтада гаранхай Эрдэни Тумановай хөөрөөнhөө:
- Түрүүн, энэдхэг кино харуулдаг байхадань, арай гэжэ үдэшынгээ сеанс
хүлеэхэш. Нүхэдөөрөө дуратайгаар уран зохёлой хэмжээ ябуулгануудта
хабаадалсахаш, хүхюүтэйгөөр сүлөө сагаа үнгэргэхэш. Монголой болон Буряад
театрай артистнууд ходо ерэдэг байhан. Манай Соёлой байшан үшөө гоё
болохыень, hайнаар ехэ заhабарилга үнгэргэхыень хүсэнэб.
Эдэ хэмжээнүүдэй хажуугаар Түнхэнэй аймагта "Соёл" гэhэн үндэhэнэй проектын ашаар Хуурай-Хобок соёлой ордоной заhабари болоо. Оросой холбоото уласһаа Алас Дурна регионой хүгжэлтэдэ шэглүүлэгдэһэн субсидиин мүнгөөр Хойто-Гол, Шимки нютагуудай хоёр соёлой ордонууд заhагдаха.
