Үнэншэхэ хэрэгтэй

Газаашаа гараад, тунгалаг агаараар амилхадам, досоомни номгорно. Зүүн-хойноһоо, үүлэнүүдэй дундаһаа һолонго харагдаба. Гайхамшагтай зүйл гээшэ даа. Ехэ зоригжолтой болоод, түргэхэн гэртээ орожо, мольберт, шэрэ, биирэеэ гаргаад, тэрэ һолонго зуража абабаб. Иигэжэ үдэр үнгэрбэ. Агаар һэрюун сэбэр зандаа, харин тэнгэри тон сэлмэг байна. Аадарай һүүлдэ наранай оролгон угаа һайхан юм. Шара, улаан, ягаан үнгэнүүдээр хадын саашаа наран һууба.

Энэ агшанда тархидам иимэ бодол ерэбэ.

Би ажамидарал тухай хуу мэдэхэб”, - олон хүн иигэжэ шэбшэдэг.

Харин иимэ зон наһанайнгаа алгад ябажа үнгэрхыень ажаглан хараад лэ үлэдэг. Хүнэй наһан хатуу, хүндэ гэжэ тэдэнэр хөөрэлдэдэг. Дэлхэйе хубилгажа болохо гэжэ ганса бодожо үзэхэнь тэдээндэ аймшагтай байна. Юртэмсэ тиимэ муухай бэшэ ха юм, хайшан гээд тэрэниие тодорхойлон хөөрэдэг ха бэ. Байһан юумэндээ һурашаһан зондо иимэ бодол ойлгожо абахань хүшэр байдаг. Өөрынгөө гунигтаа шэнгэшэһэн, оройдоо юушье һэлгэхэ хүсэлгүй, гараа буулгаад һууха... Бүхы гэрэл гэгээ, арюун сэбэрые хүдөөлүүлжэрхиһэн тэдэнэртэ дэлхэй бүдэхи, муухай шэнгеэр һанагдаха. Бүрхэг тэнгэритэй тэдээ- ниие сасуулхаар. Тэдэ зон намда имагтал һанаата болонги байдалтай харагдана. Харин бүхы шадалаа суг-луулаад, ажамидаралайнгаа нэгэ юумэ һэлгэхэеэ оролдоо һаа, энэ тэнгэридэ адляар баһа сэбэр, сэлмэг болохо аргатай ха юм. Гансал этигэн үнэншэхэ хэрэгтэй.