​Буряад Уласай Кабанск аймагта ялааганада хүшөө табигдаа

Кабанскын аймагай Корсаковын дэргэдэ урдадаг Хараус горхоной дэргэдэ ялааганада зорюулһан хүшөө һаяхана байгуулагдаба. Санкт- Петербургда ажаһуудаг нэрэтэй түрэтэй уран барималшан Вячеслав Бухаев энэ хүшөө урлан бүтээгээд, нютагаархидтаа бэлэглээ.

Нева мүрэнэй эрьедэхи Фонтанка дээрэ Чижик шубуухайе Вячеслав Бухаев шэнээр урлаа гэжэ үнгэрһэн хабар мэдээсэл тараа бэлэй. Ууган нютагаа эрьен бусахадаа, урлаһан бүтээлээ бэлэг болгон бариба.

Омолидо бэшэ, харин ялааганада хүшөө юундэ бодхообоб?

“Агуу дайнай үедэ нютагаархидыень үхэлһөө абарһан загаһанда хүндэеэ иигэжэ мэдүүлхэ гэжэ шиидээбди”, - гээд, нютагай сомон дарга Леонид Сониев тэмдэглэнэ. Омоли загаһан нютагаархидта үлэдэггүй – фронт руу сэхэ ябуулагдажа байгаа. Тиимэһээ ялааганал зоной бүдүүн хоол болоод үгөө бшуу.