Буряад Уласай Түнхэнэй аймагта соёлой байшан шэнэлэгдээ

Хамта дээрээ 4 сая түхэриг һомологдожо, нютагай барилгашад зургаан һарын туршада ажал ябуулаа.

Энээнһээ урид, жэл бүхэндэ соёлойнгоо байшанда арга шадалаараа хана, палааха шэрдэхэ ажал хэдэг байһан. Табан жэлэй саана нютагай зон мүнгэ суглуулжа, байшанай оройе шэнэлһэн юм.

Харин мүнөө заһабарилгын ажал дүүргэгдэжэ, «Кынгырга» ансамбль шэнэ концерт-нааданай программа бэлдэлгэеэ эхилэнхэй. Үшөө тиихэдэ спортдо дуратай эдиршүүл – барилдаашад, боксернууд, футболистнууд һорилгоёо хэнэ. Эдир тамиршадта шэнэ спортын байшан барилга ерэхэ жэлдэ эхилхэ, - гээд Толто нютагай гулваа Шултым Зомонов баяраараа хубаалдана.