549
Эсэгэ ороноо хамгаалгын Агууехэ дайнда Илалтын туйлагдаhаар далан табан жэлэй ойдо зорюулагдан «Живая память» гэhэн хэмжээнэй түгэсхэлэй шата Орос Уласай сэрэгэй түүхэтэ Илалтын музейдэ сентябриин 11-ндэ үнгэрѳѳ.
Тус фестивальда хамта дээрээ Орос Уласhаа 3536 мэдүүлгэ 55 можо нютагуудhаа үгтѳѳ. Гадна Казахстан, Беларусь, Абхази уласнуудhаа хабаадагшад олон байгаа. Тэдэнэй 1066-ниинь хоёрдохи шатада шэлэн абтажа, саашадаа арбан долоон бүтээл түгэсхэлэй шатада гараа.
Фестивальда эльгээгдэhэн зураглалнууд дүрбэн шэглэлээр хубаагдажа, жюриин түрүүлэгшэ СССР-эй арадай артист Василий Лановойн хүтэлбэри доро дүнгүүд гаргагдаа.
Сентябриин арбан хоёрондо «Россия» гэhэн гүрэнэй түбэй концертнэ танхим соо hайндэрэй найр боложо, фестивальда амжалта туйлаhан мэргэжэлтэдые шагнал үндэр хэмжээндэ үнгэрѳѳ. Буряад Уласhаа дурадхагдаhан «Ты ждёшь, Лизавета!» - гэhэн клип хоердохи шатын лауреадай нэрэ зэргэдэ хүртэбэ», - гээд Улаан-Yдэ хотын соёлой хорооной мэргэжэлтэд мэдээсэнэ.
Фото: Улаан-Yдэ хотын захиргаан
