Буряад Уласай hурагша Татьяна Попова Ородой Холбоото Уласай харалганда амжалта туйлаа

Кабанскын аймагай Шигаево нютагай дунда hургуулиин юhэдэхи ангиин hурагша Татьяна Попова харалганда амжалта туйлаhан арбан зургаан үхибүүдэй тоодо орожо, Москва хотын Илалтын музейдэ болохо шагналай ёhололдо уригдаа. Жюриин гэшүүн, Ородой Холбоото Уласай арадай артист Владимир Машков амжалта туйлаhан hурагшадые амаршалжа, дурасхаалай бэлэг, хүндэлэлэй тэмдэгүүдые барюулаа. «Proshloe» сэтгүүлэй ахамад редактор, түүхэ шэнжэлэгшэ Михаил Родин харалганда эрхимлэhэн hурагшадта, тэдэнэй тоодо Татьяна Поповада түүхэтэ номуудые бэлэг болгон баряа. «Бессмерный полк» гэhэн бүхэроссиин хэмжээнэй штабые хүтэлбэрилэгшэдэй нэгэн, СССР-эй арадай артист Василий Лановой амаршалгын ёhололдо хабаадажа, «Спасибо за верность потомки» гэhэн зүжэгэй хэhэг уншажа, олоной сэдьхэл хүлгѳѳгѳѳ.

 Амаршалгын удаа, амжалта туйлаhан hурагшадта тусхайтаар «Арад зоной баатаршалга» гэжэ нэрлэгдэhэн үзэмжэ харуулагдаа», - гээд Кабанскын аймагай захиргаанай хэблэлэй албан дуулгана.