​Улаан-Үдын хүгжэмэй 13-дахи һургуулида Сергей Манжигеевэй нэрэ олгобо

Улаан-Үдын хүгжэмэй 13-дахи һургуулида Буряадаймнай мэдээжэ хүгжэм найруулагша, багша Сергей Манжигеевэй нэрэ олгобо. Тэрэ һургуули Стеклозавод һууринай «Кристалл» гэһэн соёлой байшан соо оршодог юм.

- Һуралсалай энэ эмхидэ суута хүгшэмшэнэй нэрэ олгоходоо, тэрэнэй алдар нэрыень мүнхэлбэ гээшэбди. Сергей Степанович Манжигеев Ородой болон Буряадай Хүгжэмшэдэй холбоонуудай гэшүүн, Ород Уласай габьяата соёлой ажаябуулагша, Буряадай гүрэнэй шангай лауреат юм. Байгша һарын 15-да энээн тухай зарлигта Улаан-Үдын мэр Игорь Шутенков гараа табиба, - гээд, хотын захиргаанай мэдээсэлэй албан дуулгана.

Сергей Манжигеев буряад уран бэшээшэдэй уянгата шүлэгүүдтэ хүгжэм зохёожо, олондо һайшаалтай ирагуу дуунуудые найруулһан намтартай. Гадна олон симфоническа бүтээлнүүдые зохёоһон юм. «Геройн дурасхаалда» гэжэ нэрэтэй симфоническа поэмэ,  «Найрамдал» гэһэн симфоническа увертюра олоной һайшаалда хүртэһэн  байха.

Тэрэ зохёохы ажалайнгаа хажуугаар багшалха талаан бэлигтэй, шадабаритай хүн байһан. Сергей Манжинеевэй  Усович, шабинарынь өөһэдөө мэдээжэ хүгжэмшэд юм.  Нэрлэбэл, Юрий Ирдынеев, Виктор Лариса Санжиева, Екатерина Олерская гэгшэд болоно.