494
Цыренжап Сампиловай нэрэмжэтэ музейдэ Ород Уласай габьяата зурааша, Буряадай АССР-эй габьяата зурааша Юрий Мандагановай «Флорентийская мозаика» гэжэ нэрлэгдэһэн үзэмжэ дэлгээгдээ.
«Юрий Мангаданов. Флорентийская мозаика, графика» гэһэн альбомай хэблэлдэ гараһан дэмбэрэлтэ ушарта дашарамдуулагдан энэ үзэмжэ эмхидхэгдээ гэжэ хэлэлтэй. Үзэмжэдэ 23 бүтээл табигдажа, олоной һайшаалда хүртэнэ.
Юрий Ёндонович шулуунуудые хэрэглэжэ, флорентийска мозаика хэдэг бэлигтэйшүүлэй тоодо ородог. Иимэ аргаар гоё бүтээлнүүдые хэдэг уран гартан Ород Уласта хомор. Шулуунуудые бэлдэжэ, үнгыень тааруулжа, уран бүтээл хэхэ арга эгээл хүндэ байбашье, хэдэн зуун жэлэй туршада шанараараа, үнгөөрөө тэрэл зандаа үлэдэг. Нютагаймнай уран зураашын мозаика Улаан-Үдэ хотын түмэр замай вокзалай шэнэлэгдэһэн байшан гоёоно. 2017 онһоо эхилжэ, уран гартан 41 метр үндэртэй, 28 метр үргэнтэй Арьяа Баала бурханай хүрэг бүтээхэ ажал ябуулна.
Фото: livemaster.ru
