688
Yнгэрhэн гарагай долоондо, Ивалгын дасанай дэргэдэ «Дүрбэн бэрхэ» гэhэн мэргэн бодолтоной, уран гартанай урилдаан үнгэрбэ.
Тус урилдаанда Эхирэд-Булагад, Сэлэнгын, Хонгоодор, Хори, Баргажан буряадууд болон Ононой хамнигад гэhэн зургаан бүлэгүүд хабаадаба.
Урилдаа эмхидхэгшэд хабаадагшадта долоон даабари бэлдэhэн байгаа. Ухаагаа гүйлгэхэ мэргэн бодолтоной урилдаанай хажууда уран гартан гэhэн даабари хабаадагшадай дүй дүршэл харуулба. Эндэ эхэнэрнүүд гар ээрсэгээр хониной нооhо нарин нягтаар, шанар hайтайгаар ээрэжэ үзэмжэдэ дэлгээ. Эрэшүүл ташуур бүреэдэ найман гурлѳѳ бүхэлэн гүрэжэ, шүүгшэдэй урда гурим хэрэ сахигдааб гэжэ анхархыень, сэгнэхыень дэлгээ.
Тиин эгээл ехэ 67,35 оноо абаhан Хори буряадай бүлгэм түрүүлээ. Тэдэнэй хойно Сэлэнгын буряадууд 0,6 оноогоор булигдаа. Гурбадахи hуури Хонгоодор буряадууд эзэлээ.
Тус наада Буряад ФМ радио эмхидхээ гээд hануулая.
