459
Энэ хэмжээнэй түгэсхэлэй шатада гараһан зохёолнууд тодорхойлогдожо, саашадаа гол һууринуудые эзэлһэн зохёолшод, тэдэнэй уран һайханай бүтээлнүүд элирүүлэгдэхэ болоно.
Алас Дурна зүг тухай, тэрээндэ зорюулагдажа бэшэгдэһэн 90 уран зохёолнууд түгэсхэлэй шатада шэлэн абтагдаһан байна. Смоленскын, Саратовай, Москвагай областьнуудай, Москва хотын эрхим зохёолшод шангай түрүү һууринуудай түлөө тэмсэхэ болоно.
В.К. Арсеньевэй нэрэмжэтэ шан богони болон ехэ уран зохёол, үхибүүдтэ зорюулагдаһан зохёол гээд гурбан тусхай номинацитай. Андрей Игумновай «Пузыри жизни» зохёол нэгэдэхи номинацида, Александр Эрдынеевэй «Конский хвост» болон Константин Сонголовой «Если бы карма» зохёолнууд хоёрдохи номинацида эрхим гэжэ тодорхойлогдоод байна. Тиигэжэ ноябриин 30-да урилдаанай шорт-хуудаhанда оруулагдаһан зохёолшод элиржэ, декабрь һарада шагналай ёһолол болохо. Амжалта туйлагшад 500 мянган түхэригтэ хүртэхэ гээд мэдээсэе.
В.К. Арсеньевэй нэрэмжэтэ Орос Уласай холбооной литературна «Алас Дурна» гэһэн шанда хүртэхын урилдаан Ородой Холбоото Уласай Юрэнхылэгшын Алас Дурна зүгэй федеральна тойрогто эрхэтэ түлөөлгын Толгойлогшо Ю.П. Трутневай эдэбхи үүсхэлээр байгуулагдаа гээд тэмдэглэе.
Фото: egov-buryatia.ru
