406
Тыва Уласта онлайн аргаар хөөмэй дуу гүйсэдхэгшэдэй харалган үнгэржэ, Яруунын аймагай Нарһатын дунда һургуулиин һурагша Жаргал Цыдыпов тусхай шанда хүртэбэ.
«Маралёнок» гэһэн хүүгэдэй уласхоорондын фестивалиин хэмжээнүүдэй тоодо энэ харалган эмхидхэгдээ. Алтай, Тыва, Буряад Уласнуудай эдир 64 бэлигтэн харалганда хабаадажа, хөөмэй дуу үхибүүд аргагүй гоёор гүйсэдхэхэ шадалаа харуулаа.
Буряадай түлөөлэгшэ Жаргал Цыдыпов «Хөөмэй дуунай найдал» гэһэн шанда хүртэбэ", - гээд тэрэнэй багша, мэдээжэ дуушан Арюна Нимаева хэлэнэ.
Харалга эмхидхэгшэд хөөмэй дуу ехэ хүгжөөжэ, саашань бүри мэдээжэ болгохо, бэлигтэй үхибүүдые дэмжэхэ гол зорилго урдаа табинхай.
Фото: РЦНТ
