Буряад Уласай Аха, Хори аймагуудта номой сангууд шэнэлэгдэхэ

Тиин 2021 ондо Буряад Улас дотор номой сангууд гүйсэд шэнэлэгдэхэ талаар харалганда хабаадалсажа, Хориин аймагай Хори нютагай түбэй болон Ахын аймагай Өөрлиг нютагай номой сангууд шэлэн абтаба. Эндэ ехэ ажал ябуулагдажа, шэнэ түхэлэй номой сангууд түхеэрэгдэжэ, олон зон зохидоор сүлөө сагаа үнгэргэхэ аргатай болохо.
Номой сангуудые шэнэлхэ хэрэгтэ тус тустань арбаад сая түхэриг Ородой Холбоото Уласай һанһаа дамжуулгадаха. Энэ намар Захааминай аймагай Хуртагын номой сан мүн лэ «Модельнэ номой сан» гэжэ нэрлэгдээд, 5 сая түхэригтэ ажал ябуулагдаха болоно.  
Буряад Уласай Соёлой сайд Соёлма Дагаевагай тэмдэглэһээр:

Байгша ондо Буряадай элитэ поэт Дамба Зодбич Жалсараевай түрэһөөр 95 жэлэй ой гүйсэбэ. Энэ ушараар Д.З. Жалсараевай нэрэмжэтэ Хориин номой сан Ород Уласай түсэлдэ оруулагдажа, шэнэлхэ, заһабарилха хэрэгтэ 10 сая түхэриг үгтэжэ байхада бидэ булта баяртайбди. Соёд арадай Өөрлигэй номой сан энээнһээ саашадаа мүн лэ шэнэлэгдэжэ, бүхы дэлхэйдэ алдаршахань лабтай».

2019-2021 онуудай туршада Буряадта 9 номой сан үндэһэн түсэлэй аша туһаар хамтадаа 65 сая түхэригтэ шэнэлэгдэхэнь. 2019 оной туршада Хэжэнгын, Хяагтын, Загарайн аймагуудта, Севоробайкальск, Улаан-Үдэ хотонуудта модельнэ номой сангууд нээгдэжэ, олон зон баяртай байна.