796
Би Цыбиков Сэнгэ 2010 оной август hарада Цыбигэй Бальжинимын Баатарай бүлэдэ хоёрдохи үхибүүниинь боложо, Агын Амидхааша hууринда түрөөб. Минии эгэшэ Бальжина 2008 ондо сентябрь hарада түрэhэн. Абамни Зүдхэли нютагай. Барилдаанай багшаар Агада хүдэлнэ. Эжымни багшаар Амидхаашын hургуулида хүдэлнэ.Агын голой эрьедэ, сэбэр hайхан агаартай, уужам газарта, урда талаhаа ойтой хадатай Амидхааша нютагни гээшэ! Манай голой эрьеэр байhан ой шугынууд соо элдэб янзын жэмэс ургадаг, hархяаг баhа байдаг. Жэмэсээр эжымни амтатай варени шанадаг, би эжытэеэ суглуулха дуратайб, теэд hүүлээрнь hархяагаар элдэб эдеэ болгохоор байдаг.
Амидхаашын ажаhуугшад бэрхэ, ябуулгатай, зоригтой зон байна. Нютаг бүхэндэ бар хүсэ шадалтай, шүрбэhэлиг бэетэй зон үсөөн бэшэ ха. Манай нютагта Олимпиин абарга Тимур Тучинов ажаhуудаг. hургуулиин олон выпускнигууд алтан, мүнгэн медальнуудаар hургуулияа дүүргэдэг.
Гоё hайхан Амидхаашада хүүгэдэй сэсэрлигYYд байха - «Номин», «Булаг», дунда ба эхин шатын hургуулитай, соёлой байшантай, тамирай байшантай, дэлгүүртэй, гоё hайхан Дасантай. Бидэ бүлөөрөө Сагаалганай үедэ дасан ошодогбди, Дасанай наадан - барилдаан, мори урилдаан, шагай наадан харадагбди. Yшөө Амидхаашадамнай ипподром байха. Ипподром дээрэ мори урилдаан, hорилго болодог, зунай наадан үнгэрдэг. Булта ерэжэ, гоёшоожо ерэжэ харадагбди. Намарай ба хабарай сагта ипподромой хажууда эдеэ хоолой яармаг болодог, тэрээнэй гадуур бэшэшье элдэб эдеэнэй зүйлнүүд худалдаанда байдаг.
Зунай сагта бидэ эжы абатаяа голой эрье ошожо, уhанда ородогбди. Хотоной хүүгэдээр наадаха дуратайб, олон үхибүүд велосипедээр мүрысөө хэжэ, сагаа үнгэргэдэгбди.
Yглөө бүри бодожо абатаяа ба абгайтаяа ипподром ошожо гүйлдэдэгэбди. Наранай гарахын үедэ сэбэр агаараар амилаад, нэгэ хэды упражненинуудые хэжэ үрдихөөр байна. Эртэ үглөөгүүр бодоходо, бэедэ хүнгэн байдаг, үдэрэй туршада бүхы хэхэ ажалаа, хэрэгүүдээ үрдихөөр байдаг.
Намар болоходо, сентябриин нэгэндэ hургуулиин хаhа эхилнэ. Зунай сагта hайса амараад, hургуулиин эхилхэдэ, бүхы үхибүүд хүхидэг. Удаан сагта бэе бэеэ хараагүй уулзахадаа одоо гоё байдаг.
Yбэлэй сагта Амидхааша нютагтамни ехэ саhан орожо, хадын оройнууд сагаан байдаг. Хотоной хүүгэд сугларжа, хадаhаа шаргаар hолжоржо сагнай түргөөр үнгэршэдэг. Эжы аба сүлөөтэй байгаа hаань, бидэ Агын «Олимп» гэжэ нэрэтэй каток ошожо конькигоор ябадагабди.
Би Амидхаашын hургуулида дүрбэдэхи ангиин hурагшаб, абгаймни зургаадахи ангиин hурагша. Бидэ хоюулаа эрхим hайнаар hуранабди. hургуулиин байшан соо сэбэр, анги бүхэнэй hурадаг зохид классууд байха. Би барилдаанай hорилгодо ябанаб. Манай барилдаанай багша - Алексей Бимбажапович. Би барилдаха дуратайб. Оло дахин барилдаанай мүрысөөнүүдтэ хабаадааб.
Арюун hайхан Амидхаашаяа
Алдар хүбүүд, арад зон суурхуулаа!
hайханаар ходо hанагдадаг
hаруул hайхан Амидхаашам
Энэл hайхан нютагаа,
Yргэжэ хаража ябахаб даа!
Сэнгэ Цыбиков, Амидхаашын hургуулиин 4-дэхи ангиин hурагша
Фото: yandex.ru
