598
Захааминай аймагта " Сувениры Закамны" гэһэн харалган үнгэргэгдэбэ. Аймагай нэмэлтэ һуралсалай түбэй мэргэжэлтэд тус харалган эмхидхэжэ, гол түлэб дунда һургуулинууд хабаадаба.
Жюриин гэшүүд гурбан номинацаар «Саарһаар бүтээгдэһэн зохид зүйл», «Модоор, түмэрөөр, яһаар бүтээгдэһэн дурасхаалай бэлэгүүд», «Бүдөөр хэгдэһэн уран бүтээлнүүд» харалганда дурадхагдаһан бүтээлнүүдые хубаажа, дүн гаргаа. Эгээл эрхимүүдэй тоодо Мэлын, Утаатын дунда һургуулинуудай, Сахирай интернат-һургуулиин болон Хүүгэдэй нэмэлтэ һуралсалай түбэй бэлигтэй һурагшад оруулагдаа. Аймагай харалганда амжалта туйлаһан уран һайханай бүтээлнүүд, зүйлнүүд саашадаа Буряад Уласай конкурсдо дурадхагдаха гээд эмхидхэлэй хороон дуулгана.
Фото: Эмхидхэлэй хорооной дурадхаһан гэрэл зураг
