590
Ородой Холбоото Уласай Алас Дурна болон Сибириин зүгэй бага арадуудта зорюулагдаһан «Эвенки и эвены в современном мире» гэжэ нэрэтэй ном нара хараба. Тэрэниие Анны Сирина бэлдэжэ, хэблэлдэ гаргаба.
Һонирхолтойнь юуб гэхэдэ, тус ном соо дүтэрхы эвенк болон эвен бага яһатанай ажабайдалда, соёл болбосоролдо, түүхэтэ баримтануудта анхарал ехээр хандуулагданхай. Тиин Ород Уласай 14 газар нютагуудта, илангаяа Эрхүүгэй, Магаданай можонуудта, Яхад болон Буряад Уласнууд дотор ажаһуудаг эдэ хоёр арадууд шэнжэлэлгэдэ оронхой. Номой автор 1981 онһоо эхилжэ, 2010 он болотор хэгдэһэн шэнжэлэлгэнүүдтэ үндэһэлэн һонин дансануудые хэблэнхэй. Гадна олон тоото гэрэл зурагууд, музейн болон архивуудай баримтанууд номдо оруулагдажа, олоной һонирхол татахал байха.
Фото: minkultrb.ru
