679
М.Н. Хангаловай нэрэмжэтэ Буряадай түүхын музейдэ мориной дэлһээр бүтээгдэһэн зүйлнүүдэй үзэмжэ мүнөөдэр нээгдэбэ.
Эндэ Буряад Уласай уран гартанай болон Үбэр Байгалай арадуудай заншалта урлалай Ивалгын колледжын оюутадай бэлдэһэн хибэснүүд дэлгээгдэнхэй.
Мориной дэлһээр бүтээгдэһэн хибэснүүд урлалай эгээл гайхамшагта зүйлнүүд болоно. Эдэниие зон ехэ гоёшоожо, гэртээ абадаг. Адуунай дэлһээр, һарлагай нооһоор аргагүй гоё зүйлнүүдые уран гартай Баярма Дамбиева, Римма Доржиева, Алима Цырендоржиева болон бусад бэлигтэн хэдэг. Урданай ёһоор адуунай дэлһээр хэгдэһэн бүтээлнүүд гэр бүлэдэ амгалан байдал, жаргал үршөөдэг байһан.
Буряад Уласай габьяата зурааша Татьяна Дашиевагай, Ивалгын дунда мэргэжэлэй колледжын эрхим багша Татьяна Бадуевагай, тэрэнэй шабинарай хэһэн гобеленууд олоной үзэмжэдэ дэлгээгдэнхэй. Энэ хэмжээн «Адуунай дэлһээр хибэс гүрэхэ урлалай эмхи байгуулха» түсэлэй тоодо оруулагдаһан хэмжээнүүдэй гол хубинь боложо, байгша оной декабриин 3 болотор дэлгээгдэхэ болоно.
Фото: minkultrb.ru
